L'anniversarii : 10 di Ghjugnu

06-1924
L'intrapresa JOB crea una fabbrica in Toga, fabbrica chì serà sciappata durante a guerra. In 62, l'intrapresa JOB s'associa cù l'intrapresa algerina BASTOS. L'annu dopu creanu un'usina in Furiani. In u 78, a SEITA diventa maggiuritaria in u capitale di a Sucietà. A megliu annata di l'intrapresa JOB fù quella di u 1947 cù 170 impiegati è una pruduzzione di più d'una miliarda di sigarette.