Corse Net Infos - Pure player corse

Adec : A lingua corsa à u serviziu di l’ecunumia


Rédigé par Vincenzu Marcelli le Lundi 30 Juillet 2018 à 14:31 | Modifié le Lundi 30 Juillet 2018 - 18:16


Fà di a lingua corsa a lingua di u pane à parità cù u francese è l’inglese. Eccu u scopu d’una chjama à prughjetti ufficializata, vennari scorsu à a Cullettività di Corsica da l’ADEC (Ghjuvan Cristofanu Angelini, presidente, Roland Frias, capiprughjettu è Ghjuvan Carlu Vallée, direttore generale) è a Lingua Corsa (Saveriu Luciani, cunsiglieru esecutivu è Bernardu Ferrari, Direttore di u serviziu lingua corsa…


(Photos M. L)
(Photos M. L)
Caccià l’idea d’oppone lingua, cultura è ecunumia, sfruttà ghjustapuntu d’altri orizonti per a lingua corsa è masimu quellu di l’ecunumia chì custituisce l’avvene di a sucetà isulana. Ghjè in issu sensu quì ch’è Jean-Christophe Angelini, presidente di l’ADEC è Saveriu Luciani, cunsiglieru esecutivu incaricatu di a lingua corsa davanu una cunferenza di stampa vennari scorsu à a Cullettività di Corsica. « U scopu hè d’incurasgisce a pratica di a lingua corsa in u duminiu di u sviluppu ecunomicu, cummenta u presidente di l’ADEC, hè cusì ch’una chjama à prughjetti hè stata ufficializata. Vulemu mette in vale à quelli ch’a nu serve d’esempiu in sta strategia nova. Ghjè un caratteru inuvente è strutturente chì t’hà un interessu maiò per l’avvene di a sucetà corsa. U scopu hè, à longu andà, di mette in vale,  una vera trafila d’imprese cursofone. »


Un primu passu ver di una sucetà bislingua…
Cusì, dece prughjetti anu da esse ritinuti, da quì à qualchì tempu,  d’una ghjuria cumposta da l’ADEC è a direzzione di a lingua corsa. I prughjetti scelti, seranu, di sicuru, accumpagnati. « Ci vole à ricunoosce ch’è 90% di l’imprese corse anu menu di 5 impiegati. E chè l’integrazione di a lingua corsa ùn hè, à dilla franca, a primura d’un capu d’impresa. A scumessa hè, per noi, di riesce, cù misure specifiche, à sviluppà a pratica di a lingua ind’è st’imprese. »
I primi prughjetti anu da entre ind’una fasa sperimentale. U scopu hè di sparghje, dopu, issi mudelli à l’inseme di l’imprese. L’aiutu finanzariu puderà, ellu, permette à i capi d’impresi di fà u sforzu. Di sicuru, si principierà cù a signaletica, cartulari scritti in corsu, risponditori o furmazione di i parsunali. Per sbuccà nantu à a visibilità di a lingua corsa…Un scopu à long’andà è forse,un primu passu ver di una vera sucetà bislingua…





Dans la même rubrique :
< >

Livres | Musique | Evènements | Lingua corsa | Cuisine




Derniers tweets
Corse Net Infos : Trois randonneurs égarés secourus à Vivario https://t.co/m9skD1LTrV https://t.co/vHqm1CF6xh
Dimanche 19 Août - 12:46
Corse Net Infos : Bastia : Containers poubelles en feu à Toga https://t.co/KCFSJxAhXE https://t.co/N4iZ0qwalI
Dimanche 19 Août - 12:46
Corse Net Infos : Météo : Pics de températures jusqu’à jeudi https://t.co/AdaXKvGEt3 -Pics-de-temperatures-jusqu-a-jeudi_a34837.html https://t.co/PihbbthiMA
Dimanche 19 Août - 12:46
Corse Net Infos : Bastia : Quand la Citadelle honore Albert Gillio ... https://t.co/o16Hd6MjQR
Dimanche 19 Août - 12:33



Newsletter






Galerie
Requin1
Requin
Cérémonie Ajaccio
Cérémonie Ajaccio
Fiera di l'Alivu
Fiera di l'Alivu
Port de L'Ile-Rousse
Port de L'Ile-Rousse
Bande à Part
Bande à Part
ACA-FCBB
GFCA-Nîmes
Vitrines vivantes
Tribbiera in Lumiu
Feu le bon café
Marché de Porto-Vecchio