À l’iniziu, ci hè un umaggiu. Quellu resu à Ghjuvan Teramu Rocchi, famosu pueta sparitu di marzu scorsu. Per rendeli iss’umaggiu, parechje parsone, tutte impegnate intornu à a lingua corsa, si sò addunite. Un prughjettu natu in i scagni di Via Stella. « N’avemu parlatu cù Filippu Martinetti, respunsevule di a prugrammazione, spiega Albinu Buteau, capimachja di a produzzione, u scopu era di mette in piazza un dittatu cù zitelli di scole bislingue è à tempu di filmà lu. »
Emissione diffusa trà u 31 di dicembre à u 4 di ghjennaghu
L’idea face a so strada. I respunsevuli di Via Stella dumandanu tutte l’auturisazione, pigliendu cuntattu cù u Retturatu è l’affare avanza. « Vuliamu un locu patrimuniale è à tempu, un locu di silenziu per mette i zitelli in cundizione bone. Tandu avemu chjamatu à Elisabeth Perié, direttrice di a Bibbiutecca municipale. »
Quella dà, di sicuru, u so accunsentu. Ùn mancavanu chè i prufessori è i zitelli. U cuntattu si face cù u culleghju Letizia (sesta) è u liceu Fesch (seconda). Cù i so insignanti : Cecilia Cruciani, prufessore di corsu è Ghjuglianu Comelli, prufessore di fisica, « per mustrà chè a lingua pò esse aduprata in d’altre discipline. »
Si sceglienu dopu i scritti sbucchendu nantu à « Mediterraniu » è « Golu’ dui scritti di u pueta messe in musica da Felì. In leia cù a Merria d’Aiacciu, u dittatu si face u 26 di nuvembre. Federicu Poggi (lettura), Paulu Desanti (curezzione) è Francescu Karol (realisazione di l’emissione) sò scelti. « Era un mumentu di spartera, è, à tempu, un serviziu publicu pedagogicu intornu à un scrittu in lingua corsa. »
L’emissione serà diffusa trà u 31 di dicembre è u 4 di ghjennaghu tutte e sere à 18.40. L’occasione, dinò, per i telespettatori, di participà in cundizione di u direttu, à u dittatu è di valutà, cusì, e so capacità in lingua corsa…
Emissione diffusa trà u 31 di dicembre à u 4 di ghjennaghu
L’idea face a so strada. I respunsevuli di Via Stella dumandanu tutte l’auturisazione, pigliendu cuntattu cù u Retturatu è l’affare avanza. « Vuliamu un locu patrimuniale è à tempu, un locu di silenziu per mette i zitelli in cundizione bone. Tandu avemu chjamatu à Elisabeth Perié, direttrice di a Bibbiutecca municipale. »
Quella dà, di sicuru, u so accunsentu. Ùn mancavanu chè i prufessori è i zitelli. U cuntattu si face cù u culleghju Letizia (sesta) è u liceu Fesch (seconda). Cù i so insignanti : Cecilia Cruciani, prufessore di corsu è Ghjuglianu Comelli, prufessore di fisica, « per mustrà chè a lingua pò esse aduprata in d’altre discipline. »
Si sceglienu dopu i scritti sbucchendu nantu à « Mediterraniu » è « Golu’ dui scritti di u pueta messe in musica da Felì. In leia cù a Merria d’Aiacciu, u dittatu si face u 26 di nuvembre. Federicu Poggi (lettura), Paulu Desanti (curezzione) è Francescu Karol (realisazione di l’emissione) sò scelti. « Era un mumentu di spartera, è, à tempu, un serviziu publicu pedagogicu intornu à un scrittu in lingua corsa. »
L’emissione serà diffusa trà u 31 di dicembre è u 4 di ghjennaghu tutte e sere à 18.40. L’occasione, dinò, per i telespettatori, di participà in cundizione di u direttu, à u dittatu è di valutà, cusì, e so capacità in lingua corsa…
Envoyer à un ami
Version imprimable
