Corse Net Infos - Pure player corse

U cullettivu « Parlemu corsu » rimette a pressione


Rédigé par Vincent Marcelli le Jeudi 21 Février 2019 à 07:07

Prisente sta mane davanti à a Prifettura di Regione, in Aiacciu, Micheli Leccia, capimachja di u Cullettivu « Parlemu corsu », addunitu intornu à respunsevuli di sindicati studientini, d’associ o ancu liceani hà, torna una volta, annuciatu e so rivindicazione intornu à a lingua corsa è a necessità d’un insignamentu ubligatoriu da a 6a à a terminale à pzartesi da prussima rientrata. À tempu, hà chjamatu à una mubilisazione generale u 23 di marzu…




Addunitu à mezu à centu parsone, qualchì elettu (Mattea Casalta), prufessori di corsu, stitutori, respunsevuli d’associ (Basta à parlà), Micheli Leccia, capifiala di u Cullettivu « Parlemu corsu » era vultatu, duie settimane dopu à l’appuntamentu davanti à u Retturatu, in Aiacciu. Sempre intornu à a rivindicazione di a lingua corsa, ma, sta volta, à mezu à studienti : i trè sindicati di l’Universtà (CGC, GI, GP) ma dinò liceani.
« Semu vultati per fà demustrazioni, chì sta volta, ghjè a ghjuventù di Corsica chì faci a rivindicazioni, spiega Micheli Leccia, micca solu u Culletivu, i studienti o i liceani ma tutti i ghjovani di Corsica. L’ugettivu hè d’uttena l’immersioni tutali di i scoli primarii (da a scola materna à u CM2) è u bislinguisimu tutali in u sicundariu (da a sesta à a tarminali). »
 
Appuntamentu u 23 di marzu in Aiacciu
Per ghjustificà e so idee, u capimachja di u Cullettivu s’hè arrimbatu nantu à ciò ch’elle dicenu e Nazione Unite : « A traversu i lingui, l’aienti participeghjani, micca solu à a so studia, à i so tradizioni, à a so mimoria, à maneri di pinsà è à sprissioni unichi, ma participeghjani ancu à un affari di primura : custruiscini u so avvene…I lingui di u mondu cuntinueghjani par disgrazia, à sparì. Di pettu à issi minaci, a Cunsulta Ginirali di i Nazioni Uniti hà aduttatu una risuluzioni à nantu à i dritti di i populu autottuni, chì faci di l’annu 2019, l’annu intirnaziunali di i lingui autottuni. Vali à dì chì i lingui sò patrimoniu mundiali di l’umanità… »
« Comu hè pussibuli chì un patrimoniu mundiali firmessi insignatu cù un statutu uzziunali ? Femula finita cù l’uzzioni ! »
U Cullettivu vole fà cresce a pressione, chjamendu à una mubilisazione maiò sabbatu u 23 marzu in Aiacciu…
 



A la une | L'actu régionale | Faits divers | Société | Justice | Economie














Newsletter



Galerie
Galeani
Galeani
Nettoyage Sanguinaires
Nettoyage Sanguinaires
Recyclerie de Corse
Recyclerie de Corse
Calvi : Défilé de mode des commerçants
Calvi : Défilé de mode des commerçants
Logements sociaux à Budiccioni
Logements sociaux à Budiccioni
Incendie appartement Ajaccio
Incendie appartement Ajacci
Premier bain de l'année à L'Ile-Rousse
Animations de Noël à Porto-Vecchio
Clean walk à Ajaccio
Messe de Noël à Castellucio