Corse Net Infos - Pure player corse

I Santi : Santu Luigi Gonzaga


Rédigé par (Cp) le Samedi 21 Juin 2014 à 00:41 | Modifié le Samedi 21 Juin 2014 - 00:42


Luigi era natu à u castellu di Castiglione u 9 marzu 1568. Essendu u più grande di i figlioli di Ferrante Gonzaga, l'anu preparatu à succedeli. À 4 anni, u vestianu da suldatu ; à 7 anni, li facianu tirà di cannone. U mandavanu à visità d'altre signurie: in Ferrare, in Parma, in Turinu, in Firenze ind'è i Medici, è ancu in Madrid ind'è Filippu Secondu.


I Gonzaga campavanu cum'è a più parte di i signori di l'epica : sbacconi, licenziosi, amorali, crudeli, è assassini. Ne pagavanu dinù e cunsequenze. Dui fratelli di Luigi sò stati massacrati è, à a mamma, l'anu datu una stilettata in i carrughji di Mantova.

Luigi dicia: "I nobili sò fatti cum'è l'altri, cù listessa fanga. A sola differenza hè chì a soia puzza più chè quella di i poveri".

À 17 anni, decide di fassi frate. Sceglie i Ghjesuiti per via chì ùn pudianu avè gradu in u cumandu di a Chjesa. Per via dinù chì giravanu u mondu cum'è missiunarii.

Lascia i so diritti à a Signuria à un fratellu è si ne và in Roma à studià è à preparassi à una vita di fede, di apostulatu è di santità. À 18 anni, prununzia u so ingagiamentu. À 20 anni, riceve l'ordini minori. Trè anni dopu, u 21 ghjugnu 1591, more, vittima di a pesta chì curria in Roma.

Etimolugia : da u franconu "hlod" (celebre) è "wig" (cumbattente).

Casate : Lodovighi, Lodovici, Lovisi, Luiggi, Luigi, Luisi.

Nomi : Alabhaois, Aloisus, Aloys, Aloysius, Alvise, Clodwig, Clovis, Clovisse, Gigi, Ladewig, Lajos, Lew, Lewie, Lewis, Lluis, Lodovico, Lodwijk, Loeiz, Loeiza, Loeki, Loeloe, Loïc, Loig, Loïs, Looi, Lotz, Lou, Louie, Louis, Louisa, Louise, Louiset, Louisette, Louison, Lowik, Lozoïc, Ludeke, Ludel, Ludovic, Ludovico, Ludovicu, Ludovicus, Ludovique, Ludvig, Ludvik, Ludwig, Lugaidh, Luigi, Luigia, Luigina, Luis, Luisa, Luisetta, Luisina, Luisinha, Luisita, Luisito, Luiz, Luthais, Lüwisi, Vichy, Viki, Vikli, Visen, Wickel, Wickes, Wiesie, Wiesje, Wigg, Wiggl, Zaig.

In u 1981, in Corsica, Luigi venia à u dodecesimu rangu di i nomi maschili. Era quellu di 16 omi nantu à mille. Luisa era à u diciottesimu rangu di i nomi feminili purtatu da sei donne nantu à mille.

Paesi è cità : Castiglione delle Stiviere, Mantova.

Prutezzione : i studianti.




Dans la même rubrique :
< >

Jeudi 24 Juillet 2014 - 00:02 I Santi : Santa Cristina

Mercredi 23 Juillet 2014 - 00:49 I Santi : Santa Brigida.

L'actualité | Politique | Football | Sports | Culture | PAROLES | I santi | L'anniversari | Diaspora | iPhone | Avis de décès




Derniers tweets
Corse Net Infos : Noël arrive avant l’heure avec les Chemins de Fer de la Corse. https://t.co/5vv1E5cV72 https://t.co/5CbCkUvlVn
Jeudi 14 Décembre - 09:35
Corse Net Infos : SNSM de Propriano : 5 ans de plus pour le patrouilleur maritime de de surveillance et de sauvetage… https://t.co/SuCo1aBi0e
Jeudi 14 Décembre - 08:54
Corse Net Infos : Consultez la #météo #corse en permanence et en direct sur #CNI https://t.co/n8GcKLIvbV
Jeudi 14 Décembre - 08:26
Corse Net Infos : #Bonghjornu #Bonjour carrughji di a Citadella #Bastia Dans les rues de la Citadelle https://t.co/BBPymGqLkD
Jeudi 14 Décembre - 08:21


Newsletter







Galerie
IMG_4582
IMG_4581
IMG_3366
IMG_3345
Rencontre littéraire à Aix
Rencontre littéraire à Aix
MISSCORSE
Eva Colas
GFCA
GFCA
Leroy Merlin à Ajaccio
Leroy Merlin à Ajaccio
Tempête Balagne
Tempête Balagne
Bastia
Bastia