Corse Net Infos - Pure player corse

I Santi : Santu Ferrandu, Santu Ciriliu


Rédigé par (Cp) le Vendredi 27 Juin 2014 à 00:00 | Modifié le Vendredi 27 Juin 2014 - 00:03


Ferrandu, di urigine spagnola, era u vescu di Caiazzo, in Italia, versu l'annu 1023, o 1050, à dilla ghjusta ùn si sà. Hè mortu in Albiniano duv'ellu hà una chjesa.


Ci sò chì pretendenu chì e reliquie di San Ferdinandu, rè di Castilla è Leone, mortu in Siviglia in u 1252, è festighjatu u 30 maghju, serebbinu state purtate in Caiazzo è chì a tradizione ne hà fattu quelle di un vescu di u lucale.

Etimolugia, casate è nomi: cf u 30 maghju. Anu dettu dinù chì u nome Ferrandu venerebbi da un cugnome francese in relazione cù u mantellu grisgiu chjaru di un tippu di cavalli ("un cheval ferrant"), cugnome datu à un omu capelligrisgiu o barbigrisgiu.
 

Cirillu, patriarca d'Alessandria (cum'è u ziu), hè mortu u 27 ghjugnu di l'annu 444.

Era un omu viulente, intransigente, un veru dittatore. Dicenu chì, sì San Ghjuvanni Crisostomu, u più famosu oratore cristianu d'Oriente fù destituitu da u patriarca Teofilu, Cirillu ci era per qualcosa. Hà fattu chjude e chjese scismatiche è hà scacciatu i Ghjudei da a cità. Di u prefettu imperiale, ùn pudia mancu sentene u nome è azzizzava i frati contru à ellu.

Allora, perchè avè messu nantu à l'altari un omu cusì pocu simpaticu? Ghjè chì, Cirillu fù u gran vincidore di l'eretichi è, soprattuttu, un gran scrittore cristianu. I so scritti sò tantu impurtanti pè a Chjesa catolica chì, in l'annu 1882, u papa Leone XIII ne hà fattu un Duttore di a Chjesa.

Etimolugia è nomi : cf u 14 ghjennaghju.

Paesi è cità : Alessandria d'Egittu (9 ferraghju).




Dans la même rubrique :
< >

Jeudi 24 Juillet 2014 - 00:02 I Santi : Santa Cristina

Mercredi 23 Juillet 2014 - 00:49 I Santi : Santa Brigida.

L'actualité | Politique | Football | Sports | Culture | PAROLES | I santi | L'anniversari | Diaspora | iPhone | Avis de décès




Derniers tweets
Corse Net Infos : La photo du jour : Quand le bateau rentre au port de Bonifacio… https://t.co/e1JOd3B6Gl https://t.co/IpRsgIAwhM
Mardi 25 Septembre - 08:45
Corse Net Infos : Un garage s'enflamme dans une résidence de Lisula https://t.co/N86WjmC5oJ https://t.co/UPbwInc6kI
Mardi 25 Septembre - 08:45
Corse Net Infos : Agression au couteau d'Ajaccio : Deux gardes à vue. Rassemblement de soutien devant l'Assemblée de Corse… https://t.co/8MNtbGUtXu
Mardi 25 Septembre - 00:09
Corse Net Infos : Conseil municipal de rentrée à Ajaccio : Travaux, culture, animation, la ville avance https://t.co/q5GtnCYOwV https://t.co/rAxirMXhLj
Lundi 24 Septembre - 21:59



Newsletter






Galerie