Corse Net Infos - Pure player corse

I Santi : Santa Lucia


Rédigé par (Cp) le Vendredi 13 Décembre 2013 à 01:16 | Modifié le Vendredi 13 Décembre 2013 - 01:18


Lucia era una vergine siciliana, marturiata in Siracusa versu l'annu 290. A legenda conta ch'ella hè stata dinunziata cum'è Cristiana da un giuvanottu chì si ne era innamuratu è ghjera statu rispintu. Hè stata cundannata à fà a vita di e prustitute ma, quand'elli a volsenu purtà in una casa, restò ferma cum'è una culonna è mancu dui boi l'anu pussuta move. Anu pruvatu à brusgialla ma e fiare si alluntanavanu. In fine, l'anu scannata.


Avia dettu à u ghjudice: "Tù rispetta a vuluntà di i to patroni, éiu rispettu quella di u mio Diu; tù trema davanti à i to principi, eiu ùn temu chè u mio Diu; tù , i to principi ùn li voli dispiace, eiu u mio Diu ùn u vogliu offende. Fà dunque ciò chì ti pare è piace, eiu feraghju ciò chì serà utile pè u salvamentu di l'anima meia".

Una altra legenda dice chì, per fassi goffa, si sradicò l'ochji è i mandò, nantu à un piattu, à u so innamuratu, ma a Vergine Maria i li rese più belli è più lucenti.

A salma di Santa Lucia hè stata purtata da Siracusa in Custantinopuli è da Custantinopuli in Venezia.

Etimolugia è nomi : Cf Lucca (18 uttobre).- In u 1981, in Corsica, Lucia venia à u dodecesimu rangu di i nomi feminili. Era quellu di 12 donne nantu à 1000.

Paesi è cità : Siracusa. In Corsica: Bucugnanu, Azzana, Talasani, Chera, u Viscuvatu, Santa Lucia di Mercuriu, Santa Lucia di Moriani, Santa Lucia di Tallà, Santa Lucia di Portivechju. À u Medievu, Santa Lucia avia 29 chjese è ghjè sempre stata cum'è in Roma, a Santa Patrona di parechje cunfraterne.

Prutezzione : Sinu à a riforma greguriana di u calindariu, a festa di Santa Lucia era u 27 dicembre è currispundia à u sulstiziu d'invernu, quandu i ghjorni riprincipianu à cresce, quandu a luce rivene. Da u 1584, u pruverbiu francese : "à la Sainte Luce, les jours avancent d'un saut de puce" ùn hè dunque più valevule. Per via di a currispundenza cù u sulstiziu, dunque di u nome, Santa Lucia avia a riputazione di guarì l'ochji malati. Ancu oghje si sente dì: "chì Santa Lucia ci cunservi a vista".- In Parigi, Lucia hè a santa patrona di i sartori.
Retrouvez l'émission I Santi sur Voce Nustrale  du lundi au samedi à 10h30.




Dans la même rubrique :
< >

Jeudi 24 Juillet 2014 - 00:02 I Santi : Santa Cristina

Mercredi 23 Juillet 2014 - 00:49 I Santi : Santa Brigida.

L'actualité | Politique | Football | Sports | Culture | PAROLES | I santi | L'anniversari | Diaspora | iPhone | Avis de décès



Derniers tweets
Corse Net Infos : Umani : Module Non-violence à l'IUT de Saint-Denis https://t.co/Ddc1l19YgJ
Vendredi 19 Janvier - 00:23
Corse Net Infos : Ajaccio : La LDH et les "prélèvements ADN" https://t.co/Lhc1toguNa
Vendredi 19 Janvier - 00:13
Corse Net Infos : Jean-Charles Orsucci : "La majorité territoriale ne doit pas céder à la tentation hégémonique du pouvoir"… https://t.co/tAh4Od3Km4
Jeudi 18 Janvier - 23:59
Corse Net Infos : "Le président de la République doit tenir compte de la réalité" affirment les fédérations du PCF de Corse… https://t.co/31HcLT47xi
Jeudi 18 Janvier - 23:45



Newsletter







Galerie
Soutien à Jean-Louis Guidoni
Soutien à Jean-Louis Guidoni
vœux à l'Hôtel de Ville de Calvi
vœux à l'Hôtel de Ville de Calvi
Soirée Amicale Corse Aix
Soirée Amicale Corse Aix
Saint Antoine
Saint Antoine
Tempête
Tempête
Insee
Insee
Lama
Lama
Commission permanente
Commission permanente