Corse Net Infos - Pure player corse

I Santi : A Cuncezzione


Rédigé par (Cp) le Dimanche 8 Décembre 2013 à 02:18 | Modifié le Dimanche 8 Décembre 2013 - 02:19


A celebrazione di l'Immaculata Cuncezzione di Maria Vergine, antichissima in Oriente, hè stata istituita in Occidente à u settesimu seculu.


U dogmu di l'Immaculata Cuncezzione ùn hè micca statu accettatu senza dificultà. San Bernardu, à u seculu XII, San Bonaventura è San Tumasgiu d'Aquinu à u seculu XIII, ùn ne vulianu sente parlà. I primi à insegnallu sò stati un Inglese è un Irlandese è, soprattuttu, à u seculu XIV, u franciscanu scuzzese Duns Scot.

In Francia, a Sorbona hà accettatu u dogmu è Bossuet l'hà ghjustificatu, allora chì i discepuli di San Tumasgiu cuntinuvavanu à predicà chì Maria avia peccatu. Parechji papa anu avutu à intervene per falli stà zitti.

Ci hè vulsutu à aspettà u seculu XIX per chì u dogmu di l'Immaculata Cuncezzione sia impostu da da Piu Nonu (1846-1878). L'8 dicembre 1854, publicava a so bolla "Ineffabilis" chì dicia:

"Subitu cuncepita, per grazia è privilegiu di u Diu omniputente, a beata Vergine Maria hè stata preservata da u peccatu uriginale."

Quattru anni dopu, in Lourdes, a Madonna apparia à Bernardette Soubirous, dicenduli: "Je suis l'Immaculée Conception".

Nomi: in Corsica usava u nome Cuncetta, datu in l'onore di a Madonna cum'è Nunzia, Natività è Assunta.

Paesi è cità: l'Isula Rossa, Pigna, Carpinetu, Caroneu è u Seminariu d'Aiacciu.- Ramintemu chì, à a cunsulta di Corti di u 31 ghjennaghju 1735, i Corsi, in rivolta contru à Genuva, avianu sceltu l'8 dicembre cum'è festa naziunale. Un preambulu à una specia di Custituzione dicia:

"Eleghjimu l'Immaculata Cuncezzione di a Vergine Maria, pè a prutezzione di a Patria è di tuttu u Regnu di Corsica. A so imagine deve esse stampata nantu à tutti i scudi è tutte e bandere. A vigilia è u ghjornu di a so festa, seranu celebrati in tuttu u Regnu cù a massima devuzione è dimustrazioni di gioia à rombu di moschetteria è cannone".
Retrouvez l'émission I Santi sur V




Dans la même rubrique :
< >

Jeudi 24 Juillet 2014 - 00:02 I Santi : Santa Cristina

Mercredi 23 Juillet 2014 - 00:49 I Santi : Santa Brigida.

L'actualité | Politique | Football | Sports | Culture | PAROLES | I santi | L'anniversari | Diaspora | iPhone | Avis de décès




Derniers tweets
Corse Net Infos : Cervioni : "Un enseignant bilingue dans un école bilingue" exigent les parents d'élèves https://t.co/GgQTZtJUCv https://t.co/gwOnIN6jaU
Lundi 24 Septembre - 12:09
Corse Net Infos : Agression à l'arme blanche à Ajaccio: le mouvement nationaliste Nazione appel au rassemblement ce soir devant la CDC https://t.co/S9zldGh7pa
Lundi 24 Septembre - 11:24
Corse Net Infos : Jean-Charles Orsucci : « Il n’y a pas de sur-fréquentation touristique en Corse ! » https://t.co/y3vIp4ymdT
Lundi 24 Septembre - 10:14
Corse Net Infos : La photo du jour : Au-dessus du lac de Bastani https://t.co/E8Mf9sHAaL https://t.co/S20aDAEH6r
Lundi 24 Septembre - 08:24



Newsletter






Galerie