Dopu cena : Raporti matrimuniali annant'à fondi eletturali

Maria-Serena Volpei-Aliotti le Lundi 20 Mai 2019 à 16:01

Corse Net Infos, in cullaburazione cù l'Almanaccu di Bastia, hà apertu una rubrica nova in lingua corsa : Dopu Cena. Una rubrica settimanale chì, vultendu indè u passatu, ci permetterà di rinvivisce legende, stalvatoghji è storie, opere di cuntadori lucali di Corsica chì cunteriamu, à u fucone, Dopu Cena hè chì u cuntinutu sarà tiratu da l'Almanaccu di Bastia è u so circondu, premiu di u libru Corsu in u 2006 ma dinò appruvistatu da i nostri lettori di l'isula sana chì ci cunterianu in lingua corsa, legende, stalvatoghji è storie. Oghje " Raporti matrimuniali annant'à fondi elettural"

… U tempu passa ma brusgia sempre u focu di a tradizione (Dessin de Francis Stanzione)

Eccu una di l'ultime scherzighjata di u corciu di u canzuneru bastiacciu Tintin Pasqualini chì addestrava i so talenti indè l'annate 70, in a bettula U Rataghju, carrughju Carnot.

Madama veduva Canistrelletti dà davant'à a tomba di u so maritu, in u campusantu di Bastia, unu spettaculu stranu. Invece di fiuriscela, di racogliesi è di pricà, eccula chì invettiva u difuntu. " Sgaiuffu, Assassinu, manc'a vargogna..."
Calchissia s'avvivineghhje, stunatu ma cù prudenza. " Cosa si passe Madama Canestrelletti, parchè sta collara per un mortu? ".

"Un mortu ? Un mortu ! risponde a veduva annarbata, è allora parchè ùn s'hè micca cansatu à vede a so famiglia, chì tutt'u mondu s ch'ellu hè ghjunt'à vutà !"