Dopu Cena : Calzunate distinte

Indè ciò chì si chjamava "a sucietà bastiaccia" da a fine di u XVIII esimu seculu à u principiu di u XXesimu seculu, e donne di a borghesia tinianu salottu è era impurtantu per elle di riservassi un ghjornu à a simana, induve pigliavanu infusione o biende fresche assurtite di biscuttini, chjachjarà, puttachjà annant'à u so vicinu è forse dinne dinò appena di bè, accupassi d'opere è ancu abbuzzà discorsi filusofichi o literarie di certi valori.   


Ma ùn era micca sempre cusì, cum'è ne face fede i detti d'una persona, di cundizione forse appena di più mudesta chì l'altre, ma donna di casa di prima trinca, è felice d'esse stata addimessa in quella santissima accolta, s'era lasciata andà à quella cunfidenza cunghjucale.  "Gaston hà trè calzunetti. U primu annant'à ellu, u sicondu indè u scagnu di a cumoda è u terzu ind'a so stacca... Ùn si sà mai ciò chì pò accade... ".