Corse Net Infos - Pure player corse

Croneca : U « rallye » chì adunisce tuttu u mondu


Rédigé par Antone Astima le Lundi 3 Octobre 2016 à 11:26 | Modifié le Mardi 4 Octobre 2016 - 00:48


Hè fatta ! Sébastien Ogier u s’hè pigliatu u so giru di Corsica. N’avia vintu giri quì è cullandi, ma quellu, u campione di u mondu u si vulia mette in a so stacca. E Pinsate ! Scrive u so nome da sottu à u famosu Loeb.


Croneca : U « rallye » chì adunisce tuttu u mondu
Eiu, aghju rimarcatu quantunque qualcosa. Certi amatori, aspettanu tuttu l’annu è ne mettenu soldi è soldi da cantu, vanu à cercà i Sponsors à dritta è à manca, niente ch’è per pudè scrivesi à u giru di Corsica ! E i sustenidori.
Serà a sola disciplina induve pudete purtà i vostri zitelli à fà u « selfie » cù i campioni, un ritrattu vicinu à e più belle vitture è fighjulà e speciale senza pacà fora di l’essenza per a vostra vittura, o qualcosa da manghjà.
A vi dicu, ùn ci hè nulla à chì vede cù u ballò. Quì, nemichi, ùn ci n’hè ! Nè ghjucadori di i soi o di l’altri à briunà quand’elli facenu un sbagliu, nè arbitru à trattà di tutti i nomi quand’ell’ùn zifula micca un penalty per a vostra squadra, nè colpi, nè 20 auri à pacà per a vostra piazza. Nè trafficu tamantu à u mondu dopu un macciu. Solu, a passione, ind’a so più bella spressione.  Forse à più sputica.


Avete vistu i capi di i Corsi quand’è l’annu annuciatu ch’è a tappa francese di u WRC si n’andava in Alsazza? E qualchì annu dopu, a festa ch’elli facianu li stessi per u ritornu di u SO giru in casa ?
Eiu, a vicu francu è chjara : ùn vale à a pena di piglià si u capu in Timizolu, in Mezavia o in Furiani, aspettate u giru di Corsica è v’avete da campà !
Tinite, cunnoscu un dintistu aiaccinu, sò 30 anni ch’ellu si piglia una settimana di vacanze à l’epica di u Giru di Corsica. Ponu falà ranochje, raffiche di quelle, ventu, timpurale, gradina, neve,  mancu per more, mancherà issa cumpetizione. Eppo, ùn ci hè nulla à dì, ch’è u giru passa in Aiacciu è in Bastia. Quì, ùn si po misurà u numaru di chilometri, fighjulà u tempu o ùn sò ch’è, basta à esse prisente à u mumentu per sente l’odore di e gomme chì slatanu nantu à l’asfaltu o u rimore di i mutori. E vede i nostri cumpagni corsi amatori passà in furia davantu à noi è à mezu à tutti issi campioni.
N’avete vistu voi, ghjucadori di ballò amatori ghjucà cù Neymar, Messi, Zlatan, Griezmann o Fékir ? Umbèh ? Forse sunniendu.
A corsa hè compia. Ma, aspettemu sei mesi è ci avemu da campà torna, ùn vi ne fate !




Dans la même rubrique :
< >

Vendredi 13 Juillet 2018 - 17:35 Umagiu à Manu Cester

Livres | Musique | Evènements | Lingua corsa | Cuisine





Derniers tweets
Corse Net Infos : Les vins de l’AOC Ajaccio s’exposent place Foch : Hymne à la vigne https://t.co/ctPtrl5fB5 https://t.co/7uJ0nLxr0E
Mardi 17 Juillet - 23:51
Corse Net Infos : "Histoire de l’identité Corse" au CPIE – A Rinascita https://t.co/HhlYXW8qzB
Mardi 17 Juillet - 23:21
Corse Net Infos : Marché du centre-ville à Porto-Vecchio : Des solutions à trouver https://t.co/ht4YNo1LJ2 https://t.co/YhbaJC2yOm
Mardi 17 Juillet - 22:36
Corse Net Infos : Sécurité Civile de Corse-du-Sud : L’hommage aux soldats du feu https://t.co/lgqkKYquFB https://t.co/PWcH6uRLJC
Mardi 17 Juillet - 16:36



Newsletter






Galerie