Ghjè una revoluzione chì s’appronta à pocu à pocu in Francia è di sicuru, ind’è noi altri corsi. Pensate. U primu di ghjennaghju di u 2018, i cunsigli generali anu da sparisce. Vi rindite contu, sò nati dopu à a revoluzione di u 1789 (u 22 di dicembre per esse precisu…). Più di 250 anni dopu, fusione è una sola culletività. Ind’è noi, induve a pulitica riprisenta monda è ancu di più ch’è u ghjocu à ballò, hè più ch’una passione. E cusì, sfugliemu uni pochi di pagine di a storia di a Corsica. U cunsigliu generale. Tamanta stituzione, purtata da ghjente ch’anu fattu a so strada in pulitica ch’ella sia in Pumonte (Jean-Paul de Rocca Serra, Marca Marcangeli, José Rossi…) è Cismonte (François Giacobbi, Paul Natali…). Dapoi u 1975, a Corsica hè spiccata in dui dipartimenti. Insù da i monti è inghjò di a i monti. Ma, à dilla franca, ùn si sà cum’elli anu fattu per taglià li. D’un cantu, ci hè Portu, Girulata è Osani, vicini da Calvi è da l’altru, Sulinzara, scrittu in u Cismonte ma in piaghja orientale è più vicinu da Purtivechju ch’è da Bastia. Hè cusì. Pocu impreme !
Fighjulendu a nostra storia, vidimu ch’in u…1793, a Corsica era dighjà spiccata in dui. D’un cantu, ci era u Liamone vicinu du Guvernu francese, è, da l’altru, u Golu, fidelu à i ribelli corsi. Ghjè Napuliò ch’imponerà un departimentu à partesi da u 1811. Cusì, anu passà guasgi un seculu è mezu. Subbitu dopu à l’affare d’Aleria, Pierre Mesmer, primu ministru è u « famosu » Michel Poniatowski, quellu di l’internu, mettenu in piazza i dui cunsigli. Ma ci vole à sapè ch’à l’epica, i Corsi ùn eranu tutti per issu cambiamentu. Jean Zuccarelli, u merre di Bastia vole u cambiamentu, mentre ch’è u deputatu Nicolas Alfonsi è François Giacobbi sò contru. L’affare si face li stessu. Jean-Paul de Rocca Serra serà u primu presidente di u Pumonte è François Giacobbi di u Cismonte. Cusì, à mezu à interessi, certe volte pulitichi, i cunsigli generali anu da fà a so strada sin’à d’avale.
Tuttu què fermerà, da u primu di ghjennaghju, in a memoria culletiva, purtatu da quelli ch’anu campatau isse quarante anni. Una pagina si chjode.
Un altra ferma da scrive…
Fighjulendu a nostra storia, vidimu ch’in u…1793, a Corsica era dighjà spiccata in dui. D’un cantu, ci era u Liamone vicinu du Guvernu francese, è, da l’altru, u Golu, fidelu à i ribelli corsi. Ghjè Napuliò ch’imponerà un departimentu à partesi da u 1811. Cusì, anu passà guasgi un seculu è mezu. Subbitu dopu à l’affare d’Aleria, Pierre Mesmer, primu ministru è u « famosu » Michel Poniatowski, quellu di l’internu, mettenu in piazza i dui cunsigli. Ma ci vole à sapè ch’à l’epica, i Corsi ùn eranu tutti per issu cambiamentu. Jean Zuccarelli, u merre di Bastia vole u cambiamentu, mentre ch’è u deputatu Nicolas Alfonsi è François Giacobbi sò contru. L’affare si face li stessu. Jean-Paul de Rocca Serra serà u primu presidente di u Pumonte è François Giacobbi di u Cismonte. Cusì, à mezu à interessi, certe volte pulitichi, i cunsigli generali anu da fà a so strada sin’à d’avale.
Tuttu què fermerà, da u primu di ghjennaghju, in a memoria culletiva, purtatu da quelli ch’anu campatau isse quarante anni. Una pagina si chjode.
Un altra ferma da scrive…
Envoyer à un ami
Version imprimable
