A Festa di a Nazione di a cità paulina

A 10ore, una prima cunferenza tenuta da  Marie-Paule Dolovici, autore è
Ange-Toussaint Pietrera, duttore in storia à l'università di Corsica hà spostu a simbolica di quell'omu.
U dopu meziornu era cunsacratu à ciò c'hà lasciatu Paoli à livellu puliticu.( Da
Thierry Dominici, duttore in scienza pulitica In l'università di Bordeaux,
Michel Seymour filosofu è professore  in l'università di Montréal è
Henri Malosse, 30 esimu presidente è sociu di u Cumitatu Ecunomicu è Suciale Europeanu ).
À 6 ore di sera, a messa ufficiata da  i curati balanini è l'Abbatu Jean-Yves Coeroli, seguitata da una prucissiò ariulata, hà adunitu malgratu u timpurale, centinaie di fidi per rende omaggiu à a Santa Patrona di a Corsica, a Vergine Maria.

 

L'8 di dicembre, ghornu di l'immaculata cuncezzione, hè diventata dipò ghjennaghju di u 1735, a data ufficiale di a festa di a Nazione. Ghjè mentre a cunsulta d'Orezza chì l'isula di Corsica fù à  piazzata sott'à a prutezzione di A Santa Maria.
Issa ghjurnata festighjosa s'hè compia, per via à u timpurale, trà i muri di u Cosec municipale da U cumitatu di e feste. Lisulani è Balanini sò quantunque vinuti à sparte mumenti d'amicizia à tempu pulenda è figatellu.