Corse Net Infos - Pure player corse

8 di Dicembri : L'Università è a cità di Corti insemi


le Samedi 8 Décembre 2012 à 23:46 | Modifié le Dimanche 9 Décembre 2012 - 01:20


Pà issa Festa di a Nazioni, in Corti, ghjera a cità sana chì era mubilizata. Aiutati da i benevulenti di l'associi studienitini è di i sindicati, cummercianti è universitarii si sò uniti pà l'urganisazioni di l'avvenimentu, chì, d'altrondi, hè statu fastighjatu appena dapartuttu in Corsica. Dopu à l'animazioni di u Corsu Paoli, cù i sfarenti mostri, si hè tinuta una cunfarenza di stampa nantu à a Corsica di Paoli, data da Geniu Gherardi (sturianu ricunnisciutu). Infina, dopu à a messa in ghjesgia, a veghja hà tinutu locu Piazza Gaffori, in a cità vechja, malgratu u fretu.


8 di Dicembri : L'Università è a cità di Corti insemi
Ghjè Corti sanu sanu chì s'hè mubilizatu quist'annu. Pà a Festa di a Nazioni, chì riunisci ogni annu i studienti di a Cità Paulina, L'Università è l'associu di i cummercianti di Corti si sò riuniti pà dà un' anima più impurtenti à issa festa, in Corti. Cù u ricordu di u Babbu di A Patria in capu, tutti quiddi chì ani resu pussibuli issa ghjurnata si poni felicità d'avè riisciutu a sfida, ancu se a Cità era quasi viota, colpa sicuramenti à a Fiera di Bucugnà. 
Da dui à cinqui, u corsu Paoli hè Statu chjosu di mità, è parechji mostri cum'è un'iniziazioni à u quadrigliu, à a morra, à a scopa ani permissi à i passanti di pudè participà di manera ludica, cum'è pà i ziteddi.
Dopu, una cunfarenza à u Palazzu Naziunali hè statu data da Geniu Gherardi, famosu sturianu è appassiunatu di storia corsa. U Sughjettu era "A Corsica in tempu di Paoli". Una bedda vultata in u passatu, chì hà datu à l'audienza in a Sala di l'Atti di cunnoscia meddu, è ancu di scopra u mondu di Pasquale Paoli, è  dinù a so parsona.
Infina, i cristiani si sò ritruvati drentu à a Ghjesgia di l'Annunciazioni pà una messa in lingua nostra, cantata da ghjovani studienti, pà finì sinu à ondeci ori Piazza Gaffori, pà una veghja. Ficateddu, panzetta è vinu, è ancu qualchi clementini, u tuttu accumpagnatu da paghjeddi, è soprattutu di u spiritu d'una festa di cummunioni è di spartera. 
U fretu n'averà di sicuru scuragitu più d'unu, ma si pò dì ch'idda hè stata una riisciuta. Bona Festa di a Nazioni à tutti(e) !




Livres | Musique | Evènements | Lingua corsa | Cuisine




Derniers tweets
Corse Net Infos : Incendie de l'East "U Licettu": Soutien de l'ARS https://t.co/Jvh4WaMwFz
Mardi 22 Mai - 12:00
Corse Net Infos : Bastia : Réunions des groupes de travail de la Chambre des territoires https://t.co/HdqLMsDQnj https://t.co/2YI563tFWm
Mardi 22 Mai - 11:11
Corse Net Infos : ACA-Le Havre : Plainte pour dénonciation calomnieuse et appel à la constitution d’un collectif d’avocats… https://t.co/sDP1NbWUkK
Mardi 22 Mai - 10:41
Corse Net Infos : #ACAHAC ACA-Le Havre : Plainte pour dénonciation calomnieuse et appel à la constitution d’un collectif d’avocats https://t.co/s4ETDgHzc5
Mardi 22 Mai - 10:31



Newsletter






Galerie