Trè mesi fà, si n’andava Edmond Simeoni : I ringraziamenti di a famiglia

Ci tocca quantuncque à mintuà particularmente :
 E dutturesse è duttori, è tutte e squadre medicale d’Aiacciu, Bastia, Marseglia è astrò, chì l’anu curatu è accumpagnatu pendante tant’annate di strazii è sin’à l’ultima stonda ;
I paisani è citatini, cunnisciuti è scunnisciuti chì c’anu aspittatu di notte tempu, à bor’di strada, ind’è u fretu è l’acqua, à spessu bandera in manu, per un’ultimu salutu ;
A Municipalità di Bastia, per i luminelli è ritratti di a Piazza San Niculà, cum’è tanti ricordi di lotte passate è di speranze à vene ;
A signora Rinieri, di l’Uratoriu San Roccu, per a so accolta, è e Cunfraterne San Roccu è San Carlu,  per a so presenza continua di ghjornu è di notte, è i so canti sacri  ;
A Cunfraterna San Ghjisè ;
I so amichi è amiche di e prim’ore, è tutti i militanti è militante cun quale hà viaghjatu, per più d’un mezu seculu, nant’à a strada ch’ellu bramava per u populu corsu, quella di a libertà, di a pace, di a demucrazia, è di l’umanisimu ;
E millaie d’amichi, cunnisciuti, è scunnisciuti, chì sò ghjunti in San Roccu, ch’anu scrittu, o chjamatu, è chì c’anu fattu pienghje da tantu sustegnu è tant’affettu ;
I parenti, paisani, cantunali, è amichi chì c’anu accoltu in ghjesgia San Ghjacumu, quella notte di u ritornu in Lozzi ;
I centunari di personne è tutte l’imprese chì si sò impignati, solu per amicizia, per a ceremonia è per u cunfortu, ind’è Stella è Mathieu ;
U Vescu di Corsica, Monsignore Olivier de Germay, è u Cleru, per a so messa, è so parolle, è u so sustegnu ;
L’eletti di Corsica è d’astrò, in a diversità di e so scelte è cunvizzioni ;
I riprisententi di u Statu;
I cantadori di tutti gruppi è generazioni, vinuti da a Corsica sana, puntelli maiò di a nostra storia, di u nostru prisente, è di u nostru avvene ;
I riprisententi di a sucietà civile, in Corsica, è in astrò ;
Tutti i parenti, paesani è amichi prisenti à l’intarru ;
I media è ghjurnalisti, per ciò ch’ell’anu dettu, scrittu, mustratu, è ramintatu, è dinù per avè rispittatu ad ogni stonda a nostra intimità ;
I servizzi funerarii Casanova, à fianc’à noi pendante issi trè ghjorni di dulore ;
Tutte isse ghjuvanotte è ghjuvanotti, à spessu scunnisciuti, ch’anu scumpartutu u nostru dolu, è chì sò a speranza è l’avvene di issu paese.
 
 
Lucia, a so sposa.
Gilles è Marcu, i so figlioli.
Max, u so fratellu.
A so famiglia sana.