Corse Net Infos - Pure player corse

Festa di a Nazione in Lisula, a Vergine Maria glurificata


Rédigé par Maria-Serena Volpei-Aliotti le Samedi 8 Décembre 2018 à 22:01 | Modifié le Lundi 10 Décembre 2018 - 00:04


L'8 di dicembre, ghjornu du l'Immaculata Cuncezzione hè una festa d'un impurtanza capitale per a Corsica



 

L'Immaculata cuncezzione hè festighjata sta sera in Lisula. À 6 ore di sera, una messa hè stata detta in ghjesgia in prisenza di centinaie di persone, chì s'hè compia in prucissiò. Un uffiziu cantatu da i cunfratelli è a curala di Lisula. 

Più tardi, una sirata era urganizata sopr'à piazza da u Cumitatu Lisulanu. Pulenda, Figatellu è musica di u gruppu Los Fragigos d'el Diablo, anu animatu l'ingiru di a pattinatoghja di a Piazza Paoli. 

"Ghjè impurtante di festighjà l'8 di dicembre in Lisula. Sta manifestazione chì ghè a festa di a Vergine Maria, hè dinò a Festa di a Nazione, di u Babbu di a nostra Patria è Lisula. Celebrà l'8 di dicembre mantene a lega trà i Balanini" ci spieche Josée Buisson, eletta un casa cumuna. 

Per a storia, l'8 di dicembre, hè stata dichjarata festa di a Nazione Corsa in u 1735, annu induv'hè stata scritta a Custituzione Corsa. A st'epica a Vergine Maria divente a santa patrona di l'isula di Corsica.






Dans la même rubrique :
< >

Mardi 11 Décembre 2018 - 21:24 Calinzana : A diu Tony

Livres | Musique | Evènements | Lingua corsa | Cuisine