Corse Net Infos - Pure player corse

Balagna : Una furmazione pè amparà à travaglià e petre secche


Maria-Serena Volpei-Aliotti le Dimanche 29 Septembre 2019 à 12:27

U Pôle d'Équilibre Territoriale de Ruralité de Balagne ( PETR*) in associu cù Greta, hà urganizatu stu vennari 27 è stu sabbatu 28 di sittembre, una furmazione d'amparera per fà è rifà i muri in petre secche.



Mentre dui ghjorni, à a chjama di u PETR, una furmazione Greta, hè stata urganizata in Balagna, in Calvi, per trasmette un anticu sapè fà nustrale chì smarisce. 
" Ghjè l'ultima sessione d'iniziazione à u ristoru d'opere in petre secche" spieca Catherine Folini di u Greta. " Una furmazione dedicata solu à un pubblicu residente in Balagna". 
Una dicina di participanti hà scopartu, cù l'aiutu d'Antoine è Charles, e base di regule per edificà muri sodi, chì franche u tempu. 
Ancu s'elli sò sfundati per a maiò parte, per via à sfarente cause, i muri in petre secche sò i vistichi d'un vechju sapè fà durevule. 
"Quelli ch'ùn anu micca cunnisciutu i spianti di u tempu è di l'omu, sò arritti dipò centinaie d'anni, è sò i testimonii du custruzzione rodiche. Sta furmazione permette sopratuttu à a ghjente prisenta d'esse capace di rifà un pezzu di muru sfundata indè elli, cù e base tecniche," spieche Antoine, u furmatore. 
Un anticu sapè fà nustrale quasi persu, di pettu à u cimente è altre materie chì parenu più forte " chì in realtà sò mondu più debbule" preciseghje Charles. 
Oghje i prufeziunali di e petre secche sò pochi. "Cun piccatu, simu à pocu pressu una dicina" cunclude Antoine. 
Francè, un giovanu apicultore hà vulsutu participà à sta furmazione per amparà è fà chì à tramandera cuntinueghje. 
"Ghjera impurtante per mè d'amparà stu sapè fà chì in casa aghju unepochi di muri sfundati. Mà dinò per u piacè. In dui ghjorni aghju amparatu assai. Avà, cù e base, possu cumincià à stuzzicà e petre indè mè".