U Riacquistu di Portivechju rend hommage à Petru Ciabrini

A so dichjarazioni d’amori à a Corsica l’avia fatta è cuntinuava à falla in sfarenti maneri . Participava incù talentu à a rivista« A Pian’ d’Avretu » di l’associu purtivichjacciu «  Embiu di quinci » .Ci infurmava  incù uggettività è lucidità annant’à à l’attualità di u nosciu rughjonu, di a noscia isula. Fin’à i so ultimi forzi ha cuntinuatu à scriva a so cronica in lingua corsa « A dilla franca » . Maniava i paroli è a lingua incù virtuosità è puisia, sapia truvà i paroli ghjusti ,a manera ghjusta pà fà rifletta u lettori è pà tuccà lu. Tinaremu à menti l’imagini di un omu arradicatu à i so loca chi ci darà u curaghju di cuntinuà à avanzà pà sparghja a noscia lingua, a noscia cultura, pà ritruvà a noscia manera d’essa .
U Riacquistu di Portivechju