« L’ACA hè un attore di u territoriu ma stà à u serviziu di tutti l’altri attori di u territoriu ». Ghjè intornu à ste parolle ch’è Léon Luciani, presidente di l’ACA hà prisintatu, stu luni, in cunferenza di stampa, una cullaburazione nova di l’ACA. Una di più ma speciale quessa quì…cù u SIS2A. « A missione di i spignifochi hè maiò ind’è noi, ripiglia u respunsevule di l’ACA, i vuluntarii s’impegnanu monda è t’anu un rolu impurtante per mantene, prutegge è fà rispettà, ind’è noi, a natura. »
Incù un mottu « Pà a nostra isula, divinteti spignifochi », a scumessa hè maiò : sensibilisà i ghjovani à impegnà si in tantu ch’è vuluntarii.
Una cullaburazione à long’andà
Da u u so cantu, Pierre Poli, presidente di u SIS s’hè dettu unuratu è cumossu : « Ghjè un’operazione strasordinaria per noi. Avemu bisognu di vuluntarii ch’è u statutu hè in periculu. Ghjè impurtante di fà li piglià cuscenza di difende elli stessi a so terra. »
Issa cullaburazione hà da principià vennari cù u macciu ACA-Sochaux : Trè spignifochi anu da dà u primu calciu di a partita, d’altri distribuisce flyers à l’intrata di u stadiu, un filmettu serà diffusatu in Timizzolu, in fine, un 1 euro nantu à ogni piazza serà dedicatu di dicembre à un’operazione d’abbuscamentu in Veru. U 4 di dicembre, à l’occasione di u scontru ACA-Nancy, i ghjucadori purteranu una maglietta specifica dedicata i suldati di u focu. U 4 di dicembre, Santa Barba, patronne di i spignifochi.
U SIS, ellu, si vole impegnà dinò. Fora di a campagna per i vuluntarii, chi principia, una cunvenzione serà firmata, da quì à pocu, cù u Centru di Furmazione di l’ACA. Nentru issa cullaburazione nova, scambii intornu à u sicorsu è scambii spurtivi.
Una manera di sparte valori cumuni…
Envoyer à un ami
Version imprimable
