Corse Net Infos - Pure player corse

I Santi : Santu Remigiu, Santu Mauru


Rédigé par le Mardi 15 Janvier 2013 à 00:38 | Modifié le Mardi 15 Janvier 2013 - 00:41


Remigiu hè un santu d'urigine gallica, mortu versu l'annu 530. Durante settanta anni fù vescu di u capilocu di a tribù di i Remi, l'attuale cità di Reims, in u dipartimentu di a Marne. Hà cunvertitu à Clodoveu, u rè di i Franchi, è l'hà battizatu a notte di Natale di l'annu 496.


Remigiu era un omu assai eloquente è d'alta virtù. Ùn si sà s'ellu si chjamava veradimente Remigiu o s'ellu hè statu chjamatu cusì per via di a cità di Remi. Ci sò chì pretendenu ch'ellu si chjamava Remediu.
Etimolugia : da u germ. "ragin" (cunsigliu) è "waldan" (dirige, cumandà).
Nomi : Miek, Rehm, Rem, Remey, Rémi, Remies, Remigia, Remigio, Remigiu, Remigius, Rémy.
Paesi è cità : Reims (trasl. 1u uttobre).

Mauru avia una trentina d'anni di menu chè San Benedettu (u celebre fundatore di l'Ordine benedittinu di Monte Cassinu) chì u cunsiderava cum'è u megliu di i so discepuli. U mandò à fà un cunventu à Castellu Fossatu, l'attuale Saint-Maur-des-Fossés, à sette chilometri da Parigi. Hè mortu u 15 ghjennaghju 584.
In u 1618, quandu Dom Bernardu, direttore di u cullegiu di Cluny, hà vulsutu rifurmà l'Ordine di i Benedittini, hà creatu una cungregazione è l'hà datu u nome di San Mauru.
Etimolugia:  da u lat. "Maurus" (Africanu di a Mauritania), da una parulla greca chì vole dì "scuru".
Casate : Maurizi, Moracchini, Moraccini, Morelli, Morellini, Moreschi, Moretti, Mori, Moroni.
Nomi : Maolmuire, Maur, Maura, Maurelius, Maurice, Mauricette, Mauricia, Mauricio, Maurie, Maurilia, Maurille, Maurin, Maurino, Maurita, Maurits, Maurizia, Maurizio, Mauriziu, Mauro, Mauru, Maurus, Maury, Mavr, Mavra, Mavriki, Meurig, Meurisse, Moor, More, Moric, Morics, Moris, Moritz, Morrell, Morris, Morus, Seymour.

Retrouvez l'émission I Santi sur Voce Nustrale  du lundi au samedi à 10h30.




Dans la même rubrique :
< >

Jeudi 24 Juillet 2014 - 00:02 I Santi : Santa Cristina

Mercredi 23 Juillet 2014 - 00:49 I Santi : Santa Brigida.

L'actualité | Politique | Football | Sports | Culture | PAROLES | I santi | L'anniversari | Diaspora | iPhone | Avis de décès