Corse Net Infos - Pure player corse

I Santi : A Madonna di a Ciriola, Prisentazione di u Signore


Rédigé par le Samedi 2 Février 2013 à 02:54 | Modifié le Samedi 2 Février 2013 - 02:57


i festighjeghja a Purificazione di Maria è a Prisentazione di Ghjesù à u Tempiu. Hè a festa di a luce, secondu e parulle di Ghjesù ramintate da u Vangellu secondu San Ghjuvanni: "Eiu sò a luce di u mondu; chì mi seguiterà ùn anderà micca in e tenebre, anzi, averà a luce di a vita".


A vigilia, o nanzu messa, u prete benedisce e candele chì danu a luce. Pè u più, u nome di a festa ramenta issa benedizzione di e candele: Candelora o Candelera in talianu, Chandeleur in francese, Candlemess in inglese. In Alemanu, dicenu Lichtmesse, messa di a luce.
In Corsica dicenu Candilera o Candilara, ma soprattuttu Ciriola (per via di a cera di e candele).
Un pruverbiu dice: "Ciriola, Ciriola, s'ellu ci hè ventu o ragnola, di l'invernu simu fora; s'ellu face bellu tempu, per un mese simu dentru".
A sera di a Ciriola usava chì i giuvanotti andessinu à fà u giru di e case per buscassi un spuntinu - e grazie di u Signore, cum'elli dicianu - è fà i galanti cù e giuvanotte. In Ghjuncaghju, cantavanu da fora:
O casa di lu Signore
Aprite per carità,
Or'aiò! fatevi onore
Ùn si pò più aspettà.
È ripigliavanu:
O casa di lu Signore
È di santa carità.
À a Petra di Verde, secondu Simone Vinciguerra, cantavanu :Ciriola, Ciriola, noi dentru è voi fora.
è po : Fubbe grassu lu purcellu, ci derete un figatellu.
Per ista ghjente chì macina, un zanettu di farina.
À chì hà vigna in le Mezane, pò dà vinu à damisgiane.
Ci sò chì si facianu precurà per apre a porta. Tandu, i zitelli minacciavanu:
A Birba stà in punta
Cù mille stacchette
È chere vendette
À chì dice di nò.
Chì ghjera ista Birba? Era un bastone cù un spinzone, o un ancinu in punta. Quandu a ghjente chì ricevia uffria pocu, cù a Birba, à l'appiattu, si pudia spendicà un figatellu da a pertica, o azzingà una mostosa, o fichi secchi. Pè u più, a ghjente apria, chì ghjera l'usu. Ci sò chì preparavanu ancu una sbuglidicciata, ma certi ùn aprianu per crepà. Allora, i giuvanotti pregavanu maledizzioni:
Chì casgiu o carne purcina, vi dianu u mal d'urina!
O cù un parlà più grassu:
Quante petre ci hè in istu muru,
Quanti peli hà u vostru mulu,
Tante zecche à u vostru c... (a rima fatela da per voi). Retrouvez l'émission I Santi sur Voce Nustrale  du lundi au samedi à 10h30.



Dans la même rubrique :
< >

Jeudi 24 Juillet 2014 - 00:02 I Santi : Santa Cristina

Mercredi 23 Juillet 2014 - 00:49 I Santi : Santa Brigida.

L'actualité | Politique | Football | Sports | Culture | PAROLES | I santi | L'anniversari | Diaspora | iPhone | Avis de décès



Derniers tweets
Corse Net Infos : Coupe d'Europe de Volley : Quarts de finale en vue pour le GFCA https://t.co/EUlGpcjqme https://t.co/lo7iK3qnQn
Mercredi 17 Janvier - 23:58
Corse Net Infos : Petru Guelfucci et Paul Sinibaldi au Domaine Orsini au profit de la Ligue contre le cancer et des sinistrés de la P… https://t.co/5bxPcYgh2D
Mercredi 17 Janvier - 22:50
Corse Net Infos : Sant’Antone di u monte in Aiacciu : Le vent n’a pas découragé les fidèles https://t.co/ISyPJ9xmFR https://t.co/QhSTANQD5T
Mercredi 17 Janvier - 21:50
Corse Net Infos : Remerciement de l'’APF de Corse du Sud https://t.co/NICAGuPAMG
Mercredi 17 Janvier - 21:30



Newsletter







Galerie