Aiacciu festighjeghja l'ottu di dicembre

Fattu culturale, eppo fattu oghje puliticu, a festa di a nazione corsa hè l'occasione, tutti l'anni à listessa epica di mintuà l'ottu di dicembre è un mumentu gluriosu di a Corsica. Quandu a cunsulta di Orezza è appena più tardi, quellla di Corti (1735), fecenu u passaghju da u supranità ghjenovese à quella di a Republica corsa. Oghje entruta in a cultura è u patrimoniu di l'isula, issa manifestazione permette di mantene issa leia storica. In Aiacciu, più di cinquanta militanti di "Pà Aiacciu" si sò aduniti, issa dumenica in fine di dopu meziornu, vicinu à a statula di Pasquale Paoli, accantu à a citadella. I dui capi di u muvimentu anu pigliatu a parolla, Ghjuvan Francè Casalta in francese è Vannina Angelini-Buresi in corsu per ramintà iss'epica gluriosa di a storia di a Corsica è dinò l'opera di Pasquale Paoli cù i primi passi vinti anni nanzu in u 1735 à l'occasione di e duie cunsulte ch'anu sulcatu u chjassu ver di a republica. In fine, i militanti anu cantatu u Diu vi Salvi regina, sceltu à l'epica, in tantu chè innunaziunale...