U Mercatu di i pesci di Lisula sott'à a prutezzione di Sant Eramu

Centinaie di persone si sò trove stu 2 di ghjunghju, davant'à u molu di Lisula per assiste à a famosa festa di Sant'Eramu. 

 

Dop'à l'uffiziu celebratu da u frate Jean-Patrick di u cunventu di Curbara, i divoti anu accumpagnatu Sant'Eramu fin'à a so imbarcazione, per a seguita di a prucissione, in mare, seguitata quì, da unipochi di battelli è cùa participazione d'unu ben più maiò, di culori rossu è biancu. 

À l'uscita di quella celebrazione, 

u santu patrone di a ghjente marinara, hà ritruvatu u so postu in u mercatu di i pesci chì hè statu rinnuvatu ùn hè tantu, inauguratu è binadettu ufficialemente in quellu ghjornu. 

In prisenza di a municipalità, di a pupulazione è i cunfratelli, u frisgettu hè statu tagliatu da unu di i più vechji piscadori lisulanu. 

<" Ghjè oghje, ghjornu di Sant'Eramu, santu di a ghjente di u mare, ch'avemu sceltu d'inaugurà u vechju mercatu di i pesci rinnuvatu. Oramai hà da divintà un locu d'esposizione permanente dedicatu à u mare, è in particulare à i piscadori l'isulani è e famiglie" hà precisatu Henri Nappi, 1mu aghjuntu. 

 

Custruitu versi u 1781, i pesci  altre mercanzie marine ci sò stati venduti fin'à l'apertura in u 1846 di u Mercatu Cupartu. 

" Oghje ci si truverà pannelli sposti, cù ritratti è spiecazione di u locu è a vita di i piscadori. Storia, testimonii è ricette cum'è quella di l'aziminu," hà spiecatu Toussainte Amadei, aghjunta à u merre, in carica di u patrimoniu.  

 

Una bella fasa chì s'hè compia ingiru à unu spuntinu rigalatu à tutti.