The Mostra : A lingua corsa in carrughju in Bastia

Cinque cubi giganti invadiscenu u carrughju Napulio in Bastia, tuttu u mese d’uttobre. Una carta bianca data à cinque artisti chi ci anu messu in scena i soi i penseri. Disegni chi facenu à chjami è rispondi. Sta mostra girandulona, principiata di maghju in Bunifaziu, si n’hè cullata d’estatina in Capicorsu, si censa in Bastia nanzu d’andà in Corti è in Aiacciu. Spiecazione, per Corse Net Infos, di Sébastien Quenot di l’associu Cap’in lingua, di artisti Dominique Fumaroli è Lisandru Ristorcelli, è di Ghjiseppu Turchini, insignante di lingua corsa.