Corse Net Infos - Pure player corse

Rivista di stampa


le Vendredi 5 Avril 2013 à 00:42



Rivista di stampa
Studianti arrestati
2013-04-04 17:44:16
Oghje, studianti di a Ghjuventù Indipendentista anu vulsutu occupà a sottuprefettura di Corti pè fà sente e so rivindicazione, ma e forze di l'ordine sò intervenute è 4 studianti sò stati arrestati. Eppo, stu dopu meziornu, ùn ci eranu corsi à l'università per via di un'entrata di i studianti di Ghjuventù Paolina in e classe, pè mustrà cusì u so sustegnu à i giovani.
Università

Piuvite
2013-04-04 10:23:43
A u mese di marzu, hè piossu à rivocchi in l'isula è ci vole à ricullà à u mese di marzu 1975 pè ritruvà piuvite simule. Face chì u sole s'hè vistu pocu.
Detti è fatti

PNC
2013-04-04 10:20:23
U Partitu di a Nazione Corsa hà fattu una cunferenza di stampa eri in Ponte Novu, è hà dumandatu a mubilizazione di u populu corsu pè a riforma istituziunale, eppo hà riagitu à a fine di i decreti Miot è à u ricusu di ratificazione di a cartula di e lingue minuritarie. L'eletti di u PNC anu parlatu dinù di l'effetti di a crisa in l'isula. 
Pulitica è sucietà

Grande premiu di a Casinca
2013-04-04 10:18:32
Dumenica u 7 d'aprile, ci serà u grande premiu di a Casinca, pè e corse di biciclette in parechje categurie, parteranu da u paese di a Penta, è sò urganizate da u Cyclo Casinca Costa Verde.
Sportu è passatempu

Scuperta murtale
2013-04-04 09:26:01
Una persona senza visu hè stata trova à u largu di l’isule Sanguinare eri dopu meziornu da i gendarmi marittimi. Un si sà micca quale hè perchè hè stata parechji mesi in mare.
Detti è fatti

SNCM
2013-04-04 09:24:18
Pè prutestà contr’à a decisione di Veolia nant’à a ghjunta d’un battellu grecu, i sindicati pensanu à fà azzione nove dopu a prima greva. Ancu u guvernu ùn hà micca riesciutu à cunvince à Veolia d’annullà a so decisione è, dunque, ci hè un risicu d’una greva illimitata à a SNCM.
Trasporti

Alsace
2013-04-04 09:23:43
Dece anni dopu u ricusu di a Corsica à a cullettività unica, l’Alsace ferà sapè, u 7 d’aprile, s’ella vole un Cunsigliu d’Alsace, risultatu di a fusione tà u cunsigliu regiunale è i cunsiglii generali di Haut-Rhin è Bas-Rhin.
Pulitica è sucietà
www.adecec.net