Corse Net Infos - Pure player corse

Quarantacinquesimu anniversariu di l’avvinimenti d’Aleria


C.-V. M le Samedi 22 Août 2020 à 07:45

Da cilibrà u quarantacinquesimu anniversariu di l’avvinimenti d’Aleria, invita l’Associu ALERIA 75 tutti quelli chì volenu participà ci à un dipositu di fiori u sabbatu u 22 d’aostu di u 2020 à 11 ore nantu à u situ di a stela cummimurativa



Quarantacinquesimu anniversariu di l’avvinimenti d’Aleria
Ferma una primura maiò di trasmette à e generazione da vene u spiritu di risistenza chì hà marcatu quelli avvinimenti. Appartenenu isse stonde à a storia cullettiva di a nostra nazione è à inghjunu li tocca à fà le soie.
 
Hà da prupone u cumtitatu in li mesi da vene una chjama à prugettu à prò di a criazione di un parcorsu di mimoria nantu à u situ stessu, da insignà a storia cuntempuranea di u nostru paese è cusì da spiigà a lotta chì hè stata fatta è chì cuntinua à esse fatta.
 
A participazione di tutti quelli chì si sentenu primurosi da quellu prugettu hè aspittata. Sarà messa in ballu una cunsultazione allargata nanzu à a fine di l’annu.
 


Ramintemu chì e circustanze sanitarie attuale, particulare assai, ci imponenu di rispittà i gesti di prutezzione avendu mascare da prutege à l’altri.