Corse Net Infos - Pure player corse

Omaggiu à Ghjuvan Battì In piazza Paoli di Lisula


Stella CIANI le Samedi 18 Novembre 2017 à 18:34

Si sò trovi centinaie è centinaie di Corsi, amichi, famiglia, militanti è tanti altri per rende omaggiu à Ghjuvan Battì Acquaviva, cascatu 30 anni fà per a so tarra.



Omaggiu à Ghjuvan Battì In piazza Paoli di Lisula
Mentre sta ghjurnata principiata da una messa d’anniversariu, induvè l’emuzione era più cà palpevule, parolle è discorsi di pace è di ricordu anu ramintatu quale era issu omu tantu amatu. Infine, Battista Acquaviva, u gruppu Patria è i Chjami Aghjalesi, anu compiu issa ghjurnata annantu à una nota festiva.
Marie-Noelle Acquaviva, a surella di Ghjuvan Battì s’hè sprimata per Corse Net Infos.

 


Ghjuvan’Battista Acquaviva
  • Ghjuvan’Battista Acquaviva
  • Ghjuvan’Battista Acquaviva
  • Ghjuvan’Battista Acquaviva
- Ghjunti à a fine di sta ghjurnata, chì hè u vostru sintimu oghje?
- Dopu à una messa nustrale fatta da u Prete Valery è cantata da parechji cantadori, simu ghjunti in piazza Paoli per sparte una stonda nanzu à e diverse cunferenze. U bilanciu hè magnificu per issa ghjurnata, piazzata sott'à u segnu di a fratillanza è di l’amicizia.
Una ghjurnata carca d’emuzione mà micca trista. Mancuappena. È pensu ch’ella hè stata dinò magnifica per a mo mamma.


- "Où vas tu mon fils", hè un testu ch’hè statu mintuatu parechje volte da l’intervenenti, hè unu scrittu da u vostru Babbu?
- Iè. Ghjè Babbu chì l’hà scrittu cù parechji amichi. Avianu fattu un associu è pubblicatu in l’85. Ùn hè micca un testu literariu. Ghjè un testu chì vene da u core. Eranu 7 anni chell’era smaritu Ghjuvan Battì è ùn riiscia micca à scrive. Mà ghjè un testu particulare, scrittu cù tuttu s’amore per u so figliolu. Issu testu parle di a so partenza u ghjornu chellu hà pigliatu a machja. U mo babbu ùn sapia micca chellu era u FLNC, l’hà scupertu quellu ghjornu è l’hà vistu parte. Era un chjassu longu quellu di a clandestinità longa di quattr’anni è dopu à a so morte, hè statu di più dulurosu.

 

- Parché avete decisu d’urganizà una sirata di cummemurazione?
- Quistu annu, sò 30 anni ch’ellu hè partutu è di sicuru hè un aiutu per issa campagna mà hè una decisione presa da a famiglia è mai una solu volta da i pulitichi. Mai una sola volta ùn anu prununciatu a parolla "campagna". È per quessa li ringraziu. Eppò ognuno sà chì sò i primi militanti, cumè u mo fratellu, ch’anu fattu u primu travagliu per essene quì oghjè