I Catari : Inseme per i chjassi di a salute

Sò stati più d'una centinaia à participà sta mane à a manifestazione caritativa urganisata da l'associu "I chjassi di a salute" è a Casa cumuna di I Catari à prufittu di " Inseme ". 

A dipartitu di u paese d'I Catari, i marchjadori anu francatu chjappate d'un antru tempu, chì l'hà purtati fin'à Lavatoghju è Aregnu. 

" I chjassi di a salute" hè un associu chì mette in ballu u patrimoniu essendu attempu, un cumplementu finanziariu per l'urganisazione in aiutu a salute.  

Cusì, passendu per issi lochi, quelli chì ci anu participatu, anu pussutu scopre forze per a prima volta, siti magnifichi, tal chì a funtana di Lavatoghju o lochi piatti. 

Dop'à 6 chilometri trà u coll'è à fale, tutti si sò trovi ind'a corte di a salla di e feste per sparte un pranzu fistivu, animatu da scaccanate è canti nustrali. 

" Simu felici di vene quì in Balagna, sempre cù un accogliu magnificu  una grande mubilisazione" hà cunfidatu Laetitia Cucchi, a présidente d'Inseme. 
" I soldi racolti permetteranu d'aiutà è di sustene ancu di più e famiglie chì devenu parte per ragiò medicale in cuntinente. St'evenimenti sò impurtantissimi per inseme. Ghjè a prima manera di raccoglie fondi per Inseme" hà spiecatu Anne-Marie Orticoni, impiecata da Inseme. " Quist'annu ghjè a terza edizione di i chjassi di a salute. Simu felici di purtà appena di più à quell'associ", hà aghjuntu Pasquà Carlotti, présidente d'i chjassi di a salute.