Corse Net Infos - Pure player corse

Croneca corsa : Penalty o micca penalty ?


Rédigé par Vincenzu Marcelli le Mercredi 18 Avril 2018 à 00:07 | Modifié le Mercredi 18 Avril 2018 - 00:12


L’ultimi mumenti di a partita Real-Juventus, in quartu di finale ritornu di a Lega di I Campioni a settimana scorsa, sò stati abbastanza ripigliati nantu à e rete suciale, in i caffè è appena dinò, à mezu à tutti quelli chì t’anu issa passione di u ghjocu à ballò ind’è noi. Issa situazione ci face scurdà ch’è a Juventus avia, sin’à quì, riesciutu qualcosa di strasordinariu…


Ci sò ghjorni, ind’u ghjocu à ballò, fighjulendu a Télevisiò, induve vulemu scambià di prugramma. E passà da un macciu chì ci adurmenta à un filmu o un’emissione di varietà (ancu à The Voice). Eppo, ci sò mumenti induve issa magia ch’è no t’aviamu zitelli, quand’i nostri ochji eranu maravagliati da  i ghjesti di quelli ghjucadori tremendi, chì ci pigliani e tripe è u fiatu sin’à a fine. Quellu Réal-Juventus di a settimana scorsa hè, senza alcunu dubbitu, di quessi. Quale hè chì mettia una pezza nantu à a vittoria di i Taliani nanzu à u macciu ?


Poca ghjente à dilla franca. Eppuru, sò passati vicinu, vicinu di qualcosa di strasordinariu. Pinsate ! Quelli CR7, Bale, Isco, Marcelo, Kroos, pinsavanu ancu elli ch’è l’affare era in u saccu. Ancu i tifosi di a vechja signora elli stessi. Ma, cum’è u ghjornu nanzu in Roma, s’hè passata qualcosa. E ancu di più. Perde 3-0 in casa soia in quartu di finale di a Lega di i Campioni, masimu di fronte à u Real è tutti i so « galactichi », è vince 3-0 à 10 seconde di a fine, si pò cercà, serà difficivule à truvà. Tandu, a sapemu ch’è a Juventus ùn hè tanta amata in Italia stessa. Eppuru, pudemu pensà, ch’è tutti i Transalpini ch’eranu davanti à u so postu di Televisiò, ùn la credianu mancu. Tamantu maccione !!! Ci avvicinavamu à 30 minute in più. E quì, nimu ùn la sapia quale ch’avia da vince. Si ghjucava forse, in capu, issu macciu. In Santiago Bernabeu, era li stessu. Mancu un fiatu…Tuttu u mondu s’appruntava à campà un mumentu magicu…Eppo, hè ghjuntu iss’ultimu ballò, una capata di CR7 per Lucas Vasquez chì casca, toccu o micca da Benatia. Penalty o micca penalty ? Iè sicura per certi, innò per i Talianu è tutti i sustenitori di a Juventus. Ma per tutti quelli passiunati d’issu ghjocu, a realità, di sicuru, d’avè mancatu 30 minute in più d’un macciu chì hà da stà ind’è e nostre memorie…
Peccatu!




Dans la même rubrique :
< >

Livres | Musique | Evènements | Lingua corsa | Cuisine




Derniers tweets
Corse Net Infos : 5 voitures brûlent à Corte https://t.co/d8B6IFhQhC https://t.co/3WUjKyePo2
Mercredi 19 Septembre - 10:29
Corse Net Infos : La photo du jour : La face Ouest du Tafunatu https://t.co/7TKAW0Osvx https://t.co/ItxnIbkisa
Mercredi 19 Septembre - 08:04
Corse Net Infos : "Les Salines de 1960 à nos jours", une exposition du 22 au 29 septembre https://t.co/U2ImqhUQgz https://t.co/VTy5AjGNUB
Mardi 18 Septembre - 21:59
Corse Net Infos : Les rallyes d’Allemagne et de Corse menacés : Lequel restera au calendrier en 2019 ? https://t.co/rCWQC6KnuB https://t.co/v4rTOIPBqd
Mardi 18 Septembre - 19:59



Newsletter






Galerie