Oimè, ciò ch’ùn aghju micca fattu !Peccatu è colpu meiu.
Sò pertutu à 5 ore di sera d’Afà è aviu un appuntamentu nantu à u corsu Napuliò versu 6 men’un quartu. Mi sò dettu : và bè, pocu u tempu ! In fine, sò ghjuntu in Aiacciu à men’un quartu…di sett’ore !
Trafficu quì, ingorgu quallà, cantieri cù i fochi a sapete « uchjati » induve vi tocca à aspettà 5 minute nanzu di passà. Tandu, u lindumane, mi tuccava à andà in Afà è sò passatu per a strada di Bastia. Pocu u trafficu vicinu à u giratoghju ch’anu fattu versu Sarrula ! Vitture à manca, vitture à diritta. Ma, face un pezzu ch’eiu campu quì. Tandu, i picculi passaghji, i cunnoscu ancu eiu per ghjunghje più prestu.
Pinsate !
Cantieru à l’intrata d’Aiacciu à u Vazziu, cantieru da l’altra parte à a Madunuccia, cantieru chì pare un percorsu di Formule 1 vicinu à u giratoghju di Leclerc, vitture in dobbia fila, fà è fà, ci vole un elicotteru, oghje per viaghjà in Aiacciu.
Ancu di grazia ch’ell’ùn piuvia micca. E l’affare di a Rocade ?
Aghju un amicu chì corre. L’altru ghjornu eru sempre in u giratoghju di i Cannetons ch’ellu era dighjà nantu à a strada di i Milelli !
Po, po, po, ùn ne possu più.
Allora, per calmà mi appena, sò pertutu dui ghjorni ind’è u me cugini in Bastia. M’aspettava à meziornu piazza di Citadella.
Sò pertutu à 9 ore, tranquillu, pianu pianinu. Un caffè à u chalet Nanzu à Vivariu, poca ghjente nantu à a strada… E buffa !
Ghjuntu dopu à Borgu ! Un trafficu di quelli in Furiani è un’altru in Lupinu. Sò ghjuntu à l’ora di u caffè ind’è u me cuginu.
Basta, basta, aghju da passà u permessu motò. U me amicu, ellu, face un pocu di meditazione zen.
Ci n’hè bisognu…
Sò pertutu à 5 ore di sera d’Afà è aviu un appuntamentu nantu à u corsu Napuliò versu 6 men’un quartu. Mi sò dettu : và bè, pocu u tempu ! In fine, sò ghjuntu in Aiacciu à men’un quartu…di sett’ore !
Trafficu quì, ingorgu quallà, cantieri cù i fochi a sapete « uchjati » induve vi tocca à aspettà 5 minute nanzu di passà. Tandu, u lindumane, mi tuccava à andà in Afà è sò passatu per a strada di Bastia. Pocu u trafficu vicinu à u giratoghju ch’anu fattu versu Sarrula ! Vitture à manca, vitture à diritta. Ma, face un pezzu ch’eiu campu quì. Tandu, i picculi passaghji, i cunnoscu ancu eiu per ghjunghje più prestu.
Pinsate !
Cantieru à l’intrata d’Aiacciu à u Vazziu, cantieru da l’altra parte à a Madunuccia, cantieru chì pare un percorsu di Formule 1 vicinu à u giratoghju di Leclerc, vitture in dobbia fila, fà è fà, ci vole un elicotteru, oghje per viaghjà in Aiacciu.
Ancu di grazia ch’ell’ùn piuvia micca. E l’affare di a Rocade ?
Aghju un amicu chì corre. L’altru ghjornu eru sempre in u giratoghju di i Cannetons ch’ellu era dighjà nantu à a strada di i Milelli !
Po, po, po, ùn ne possu più.
Allora, per calmà mi appena, sò pertutu dui ghjorni ind’è u me cugini in Bastia. M’aspettava à meziornu piazza di Citadella.
Sò pertutu à 9 ore, tranquillu, pianu pianinu. Un caffè à u chalet Nanzu à Vivariu, poca ghjente nantu à a strada… E buffa !
Ghjuntu dopu à Borgu ! Un trafficu di quelli in Furiani è un’altru in Lupinu. Sò ghjuntu à l’ora di u caffè ind’è u me cuginu.
Basta, basta, aghju da passà u permessu motò. U me amicu, ellu, face un pocu di meditazione zen.
Ci n’hè bisognu…
Envoyer à un ami
Version imprimable
