Corse Net Infos - Pure player corse

Croneca - Sporting : Torna Vignale…


Rédigé par Antone Astima le Mardi 31 Janvier 2017 à 22:54 | Modifié le Mercredi 1 Février 2017 - 00:16


Un si contanu più « l’affare » induve tuttu u mondu mostra u SCB d’u so ditu ! Lucas (PSG), (Marseglia) è avà Nizza cù Balotelli chì si ne piglia à l’addestratore bastiacciu. Oimè, basta ch’è i Turchini sianu nantu à u terrenu per ch’è a Lega prufessiunale falessi à cutrate…


© photo news
© photo news
U Sporting ùn pianta micca di fà parlà. Basta ch’ella ci sia, in Furiani, una cureghja, un soffiu, un ghjestu è si lampanu tutti cum’è morti di fame, cum’è a miseria nantu à i povari.
Ultima passata quella di Balotelli (SCB-Nizza). Passemu nantu à i brioni di nanzu à u macciu, ch’è di sicuru, cundannemu sapendu, d’altronde, ch’è issu fattu tuccava à u più, una decina di parsone. Ciò chì ci pare più impurtante, saria piuttostu ciò chì accadutu subbitu dopu à u mezu tempu trà l’attaccante talianu di Nizza è Francè Ciccolini.
U primu cerca u sicondu. Quellu risponde senza esse gattivu ne mancu. E chì facenu i media ? Lampanu un tsnunamì di quelli ? Tandu, hè tuccatu à Ciccolini, à spiegà si nantu à i so prupositi (où tu te crois ici ?), mentre ch’è l’altru si n’era pigliatu à a so mamma. Stampa scritta, audiovisuale, radiu, ecc.
François Ciccolini si divia ghjustificà. Stu fattu ci porta duie anni fà dopu à Nizza-Bastia è l’affare (tamant’affare) di Leca chì cacciò a bandera. 300 parsone nantu à u terrenu, colpi, minaccie è…resultattu ?
Jean-Louis Leca avia messu u « focu » cù u so ghjestu di pruvucazione.
Oghje, u « gattivu » hè Ciccolini !
Eri fù quellu chì lampò un cosu in plasticu à un metru di Lucas. Nanzu eri, a bandera nantu à « l’origine di u finanziamentu di u PSG ».
Capite, ùn hà piaciuta hà Nasser ùn la so comu si chjama… ma, ancu di grazia ci hè u Web. Aghju fighjulatu appena u « percrosu » di Balotelli in Italia.
Zitellu, a so maestra dicia ch’ellu era u scularu u più scatinatu mai vistu !
Dopu, e « balotellate » anu marcatu a so carriera : focu in casa soia, scontru cù membri di a Camorra, amende (vitezza), prublemi di disciplina da per tuttu, barruffe in M City, ecc.
Eppuru, hè Ciccolini u respusevule ! Quessa a passata !
Ùn possu ch’è fà u parangone cù un altr’affare…
Materazzi-Zidane ! Quì sì ch’è i media avianu trovu tutte e scuse di u mondu sanu à Zizou ! E avia messu una capata di quelle à Marco !
Ciccolini, ch’hà fattu ?
Forse ch’è a Lega truverà peli ind’è l’ovi…




Dans la même rubrique :
< >

Samedi 9 Décembre 2017 - 09:20 A Festa di a Nazione di a cità paulina

Mercredi 6 Décembre 2017 - 07:17 L'altra attualità in lingua corsa è video

Livres | Musique | Evènements | Lingua corsa | Cuisine




Derniers tweets
Corse Net Infos : Bastia : Lutte contre le racisme et l'antisémitisme, bilan et perspectives du CORA https://t.co/rtp4Tt2yZ9 https://t.co/SbKEz3JALa
Vendredi 15 Décembre - 19:23
Corse Net Infos : l'11 ori di sta mani https://t.co/zwgR8GNn5M
Vendredi 15 Décembre - 19:03
Corse Net Infos : Bastia : Les agents des Finances publiques manifestent https://t.co/p3JpZdZIRg https://t.co/IgwF7B4Cqa
Vendredi 15 Décembre - 18:35
Corse Net Infos : Haute-Corse : Tous les indicateurs de l'accidentologie routière sont dans le rouge https://t.co/n4FS58SqVs https://t.co/3GgOPNgfny
Vendredi 15 Décembre - 15:26


Newsletter







Galerie
Communauté de communes L'Ile-Rousse Balagne
Communauté de communes L'Ile-Rousse Balagne
CCAS de Calvi
CCAS de Calvi
Mini-Cut
Mini-Cut
Rencontre littéraire à Aix
Rencontre littéraire à Aix
MISSCORSE
Eva Colas
GFCA
GFCA
Leroy Merlin à Ajaccio
Leroy Merlin à Ajaccio
Tempête Balagne
Tempête Balagne