Corse Net Infos - Pure player corse

Croneca : Halloween o Sant’Andria ?


Rédigé par Antone Astima le Mercredi 2 Novembre 2016 à 21:21 | Modifié le Vendredi 4 Novembre 2016 - 00:22


Dapoi qualchì ghjornu, a ghjente si scatineghjanu nantu à e rete suciale! In fine, dapoi u 31 d’ottobre per esse più precisu. A sapete, issu famosu ghjornu dedicatu à Halloween. All Hallows Eve dicenu l’Inglese


Croneca : Halloween o Sant’Andria ?
Un ghjornu chjamatu cum’è quellu nanzu à I Santi Umbè, eiu, l’inglese ùn lu parlu micca, m’hà rispostu quellu amicu paisanu. Tandu, un altru l’hà rispostu. “Iè, in tempi di i Celti, ci era un Diu chì si chjamava Samhain. Era a fine di e racolte, ch’è i ghjorni si facianu più corti. Notte è bughjura s’avvicinavanu." A, quessa ùn la sapiu ! Ind’è mè, Nè inglesi, nè issu Diu stranu, nè schenetri, nè bombò. Solu, ogni 31 d’ottobre, bastelle (civolle, arbette o zucche), cotte in quelli forni accesi. Si facia dinù sunà e campane è arrustisce e castagne sin’à ghjornu. Nè nuts, nè haribo, nè carambar. Avà, facenu issa festa quì, c’h’ùn la so d’induve vene. Tandu, u me amicu m’hà dettu ch’è « tempi fà » era compiu, ch’è ci vulia à campà à l’usu d’avale, in u 2016. Ghjèu vogliu bè, ma, s’è vo figliulate, ci hè l’assumiglia cù a nostra festa, a Sant’Andria, festighjata, ella u 30 di nuvembre. « S’ell’ùn ci era Halloween, Sant’Andria durmia sempre !»
Ma ci hè da perde u ciarbellu cù tutti issi capi inzuccati è accesi.
Tè, in Aiacciu, anu fattu un cosu à l’usu Zouk walk. Un pocu di più, surtia Mickaël Jackson è so amichi. Mi parlanu, à mè, di tempi di bughjura, di ghjorni più corti, ci sò anc’avà issi ghjorni quì.
I Santi, Halloween, All Hallows Eve, pocu impreme u so nome, hè li stessa affare. E ghjè u 31 d’ottobre. Metre ch’è a Sant’Andria hè u 30 di nuvembre. U 31 d’ottobre sò tutti i Santi è u 30 di nuvembre, unu solu. Eiu, mi pigliava a pen’in capu, ma quelli amicu mi ne cacciò un altru : « l’11 di nuvembre, ghjè a San Martinu ». Po, m’hè vultata in capu, a canzona « u me figliolu quantu ellu ne sà ! » 





Dans la même rubrique :
< >

Dimanche 11 Novembre 2018 - 19:48 In Belgudè, s'arricordanu di quellu ghjornu

Livres | Musique | Evènements | Lingua corsa | Cuisine