Casa Rurale di Montegrossu : A Guardia corsa ramintata

L'associu "Guardia Corsa Papale", cù " A Casa Rurale di Montegrossu" hà urganizatu una cunferenza annant'à quella guardia chì fubbe cusì famosa calchì seculu fà.
In ghjesgia Sant'Agustinu, mentre una bella stonda, Iviu Pasquali è Stefanu Marchetti, anu vulsutu " onorà a memoria è reabilità a storia".
Nanzu a Guardia Svizzera, quella chì assicurava a prutezzione di u Papa Alexandre VII, era Guardia corsa in principiu di l'anni 1600. 
Una sera d'aostu 1662, u 20 più precisamente, un incidente cambiarà è sguassarà a storia di a Corsica. À l'origine, una baruffa trà un dumesticu francese è un guardiu puntificale. 
" Una battaglia chì s'hè compia in a dipendenza di u palazzu Farnèse, induv'è ci era u Duca di Créquy. Hà ricivutu una balla è u carrozzu di a duchessa è un dumesticu hè statu tombu" hà ramintatu Iviu.

Da quì guardii corsi è pulizzeri di u Papa anu attaccatu u palazzu. Parechji di i dui lati truvaranu a morte. " Ghjera per elli un'inghjuria fatta da un suldatu papale à a francia. In fine, U rè di francia Louis XIV dumandarà scusi pubblichi è dissuluzionne di a guardia Corsa. 
Dop'à anni, u Papa firmarà in u trattatu di Pisa, a dichjarazione mintuendu chì i Corsi " sò incapaci ab eternu di serve Roma è ogni stati ecclesiastichi". Un munimentu in marmaru sarà edificatu in u locu di " l'offesa " cù l'iscrizzione " La nation corse est indigne de servir la papauté". Un munimentu chì hè oghje distruttu.  
" A nostra indiatura, onorà a memoria è reabilità a storia " 

 

Di più infurmazione storichehttp://guardia-corsa.adecec.net/association.html U cullettivu a Guardia Corsa Papale