Calvi : Furmazione di spenghji fochi in u mare di a Staréso

Una furmazione cuurdunata da l'aiutente Vincent Touret, cunsiglieru tecnicu di u dipartimentu, rispunsevule pedagogicu è una squadra di furmatori, quadri di a specialità. A u terminedi sti cinqui ghjorni è fora d'unu feritu in principiu di simana, anu tutti riisciutu a furmazione.
Da a teuria à a pratica Ogni ghjornu s'hè principiatu cù corsi di teuria, nanzu di passà à a parte pratica indè l'acqua, mittendu in sittuazione i diversi scenarii pussibili, passendu da vittime à squadra di siccorsu. Manopere fatte da a marina, scogli è mare stessu mà dinò in e sapare, cumè quella di " les veaux marins".


Ramintendu cusì l'intervenzione periculosa fatta in u 2016 da 3 salvatori per sette turisti chjappi da u marosu è bluccati in u so fondu. " Ghjè una furmazione intensa è difficiule. Ci ghjuvemu di l'intervenzione passate per dà di più realtà à l'esercizii fatti. Cusì, i salvatori anu cuscenza di u periculu chelli ponu scuntrà mentre quelle missione. Quellu stagiu hè u risultatu di dui anni di priparazione. " ci spieca unu di i furmatori. Una selezziona rigurosa In u dipartimentu di u Cismonte, si conta oghje una quarantina d'omi specializati per u siccorsu marinu. Per pudè participà à a furmazione di u SAV2, i spenghji focu devenu avè à u minimu trè anni di spirienza, esse titulari di u BNSSA è di u SAV1 * ( Salvamentu acquaticu in acque interne ).
I postulenti ritenuti sò selezziunati secondu à a capacità fisica è tecnica