Corse Net Infos - Pure player corse
Corse Net Infos Corse Net Infos

CorseNetInfos


Un DU d'architettura in Corti per a rientrata


Maria-Serena Volpei-Aliotti le Mercredi 22 Mai 2019 à 08:07

Di sittembre, l'università di Corsica aprerà un DU d'architettura, per rinfurzà a so cuntribuzione scientifica, educativa è pratica à a qualità di u quadru di vita in mediterraniu. Un prugettu purtatu da a Scola d'Ingenieri PaoliTech di l'Università di Corsica, a Scola Naziunale Superiore d'Architettura di Montpellier è u cunsigliu righjunale di l'ordine di l'architetti Corsica.



Séabstien Celeri, présidente di u cunsigliu righjunale di l'Ordine di l'architetti Corsica
Séabstien Celeri, présidente di u cunsigliu righjunale di l'Ordine di l'architetti Corsica
Un diploma universitariu d'architettura intitulitu "qualità ambientale di u quadru architettu in mediterraniu" s'aprerà di sittembre à l'università di Corsica. 
Stu DU sarà apartu à i prufessiunali è i studienti chì anu un BAC + 5 à u minimu o un BAC + 3 cù annate di spirienza, cù  una VAE* hè pussibile ( valutazione di l'aquisti prufessiunale),"spieche Élodie Mussier, rifarente di furmazione à l'Ordine di l'Architetti Corsica. Una furmazione chì s'hà da fà annant'à 3 semestri, cù 20 piazze dispunibile.    
" Sarà piazzatu sott'à l'angulu di a trasversalità di i sapè cumuni di l'architetti è l'ingenieri chì sò soci distacchevule, rilativi à una cuncipitura ragiunevule di u prugettu architetturali secondu a rialtà ambientale geugrafica d'un tarritoriu.    
Mentre 18 mesi, l'amparera si farà annant'à i sferenti stuvigli ambientale, per acquistà i riflessi adattati à a Corsica.   
"U scopu di a prima parte di u diploma hè di ben capisce u nostr'ambiente, nanzu di principià a siconda parte chì sarà urientata annant'à l’ingenieria ambientale perfurmante cù un quadru architattatu chì cunsumeghje di menu energie".   
Una furmazione in alternanza trà corsi è attelli arricchiti di spirienzz prufessiunale attuale.   

E candidature sò state aparte da u 6 di à u 25 di maghju, annant'à u situ di l'università . " Una cummissione s'hà da cuncoglie per studià e candidature à u mese di ghjunu".