Corse Net Infos - Pure player corse
Corse Net Infos Corse Net Infos

CorseNetInfos


Uffiziu di e tenebre in Lavatoghju


Maria-Serena Volpei-Aliotti le Jeudi 18 Avril 2019 à 15:10

Stu marcuri sera, l'uffiziu di e tenebre hè statu celebratu in Lavatoghju.



A cunfraterna Sant'Antone Abbate hà celebratu stu marcuri sera, L'uffiziu di e tenebre, in Lavatoghju.
Una ceremonia di a Settimana Santa, induve si cantanu i salmi chì contanu a vita di Ghjesù è i lamenti di Jeremy.  

"Davant'à l'altare ci hè messu un candilare in triangulu cù quindeci ceri annantu. Quellu u più insù raprisente u cristu, tre, e trè Marie. Maria-Maddalena Maria-Salomè et Maria-Jacobè. L'altri raprisentanu l'ondeci apostuli chì sò stati fidi à u Cristu" spieche François-Mathieu Croce, priore. Ad'ogni salmu cantatu si spenghje un ceru. "Fin'à quellu di a cima chì si lasce accesu un tempu. Annant'à l'altare, i sei ceri rapprisentanu i prufeti tumbati da i ghjudei sò spenti. L'ultimu ceru, simbolu di u Cristu hè piattatu. E à ghjesa si trove indè u bughju. Ghjè quì a morte di Ghjesù.  
À stu mumentu, si face assai rimore cù e batachje mentre 2 o 3 minute, mentre u terramutu è u ritornu di l'infernu. Infine u ceru è rimessu annant'à u candilaru. U Cristu hè vivu".