Corse Net Infos - Pure player corse

"Stonda Corsa" incù i ziteddi cursofoni


le Lundi 12 Novembre 2012 à 21:55 | Modifié le Mardi 13 Novembre 2012 - 01:12


Ghjè una prima, chì metta in baddu u Cullittivu "Parelmu Corsu". Sabbatu u 24 si tenerà in A Riventosa una "Stonda Corsa" incù ziteddi di a scola di u paesi, è di u rughjoni. U scopu d'issa ghjurnata, chì si svulghjinerà à a cantina sculari, hè di sparta è di fà sparta à i ziteddi a lingua corsa. Filmati, ghjochi, picculi dibattiti sarani à u prugramma di l'avvenimentu. Infina, i ziteddi finiscierani a ghjurnata in canzoni, cù u "karaoké" di canzoni nustrali.


"Stonda Corsa" incù i ziteddi cursofoni
Una nova sperienza hà da essa in prova, issa duminicata. U Cullittivu Parlemu Corsu, chì faci sempri prova d'imaghjinazioni in i so azzioni in favor' di a lingua, urganiseghja sta volta una "Stonda corsa", mà unicamenti cù ziteddi. In a cantina di a scola di A Riventosa (rughjoni di Corti) sarani adduniti ziteddi cursofoni, di tutti l'età è di tutti i scoli di l'ingiru. 

U prugramma di a ghjurnata, chì si tenerà sulamenti u Sabbatu u 24 di Nuvembri, hè assai insummatu è propriu diversu. Filmati in lingua corsa, ghjochi di morra, picculi dibattiti, tuttu què pà incuragiscia i ziteddi à andà versu à a lingua, è soprattuttu, versu à l'altri incù a lingua. Si tratta quì, spieca u prugramma, di rivisità è d'andà ancu di più luntanu ind'è u cuncettu d'immirsioni. Sempri in dibattittu, ma di più in più adupratu in i scoli primari, l'immirsioni pari dà risultati boni assai, cum'è ne testimuneghjani i rapporti ricenti dati à u Ritturattu (i ziteddi bislunguii è in immirsioni sculari uttenani risultati meglii cà l'altri).



Foli, canzoni, è spartera

A chjama hè dinù lampata à u bon vulè di i parenti di i ziteddi, chì puderani din ritruvà si quallà, è dinù sparta trà d'iddi i mutivazioni chì li portani à metta i so ziteddi in i scoli bislinguii. Parechji prufissori di u rughjoni Curtinesi sarani prisenti, notamenti di a scola primaria bislingua di Sandreschi, in a Cità Paulina. Iss'ultimi sarani incarcati da l'animazioni, è guidarani i ziteddi duranti a ghjurnata. 

Aiutata di l'animatori benevulenti di u Cullittivu, i prufissori cunterani foli in lingua nustrali, farani cantà i ziteddi, è sopratuttu, li parmettarani di sorta appena di u circondu sculari. U scopu principali essendu di muscià à i ziteddi chì ùn sò micca soli à parlà u corsu, è chì, in Corsica sana, altri quant'è iddi ne facini tantu. 
Liviu CASTEL
-------
Tutti l'infurmazioni quì : http://parlemucorsu.blogspot.fr/



Livres | Musique | Evènements | Lingua corsa | Cuisine




Derniers tweets
Corse Net Infos : Urban #Trail Aiaccina : Une #course #solidaire contre le #cancer https://t.co/grxlZGDhHw
Jeudi 16 Août - 12:51
Corse Net Infos : Accident du travail à Biguglia https://t.co/3Vu9yGFfVF
Jeudi 16 Août - 12:06
Corse Net Infos : Feu de voiture à Lucciana https://t.co/OHejbDKitw
Jeudi 16 Août - 12:04
Corse Net Infos : Football : Vacances calvaises pour Guy Roux https://t.co/8Oqrm96zTM
Jeudi 16 Août - 12:02



Newsletter






Galerie
Requin1
Requin
Cérémonie Ajaccio
Cérémonie Ajaccio
Fiera di l'Alivu
Fiera di l'Alivu
Port de L'Ile-Rousse
Port de L'Ile-Rousse
Bande à Part
Bande à Part
ACA-FCBB
GFCA-Nîmes
Vitrines vivantes
Tribbiera in Lumiu
Feu le bon café
Marché de Porto-Vecchio