Corse Net Infos - Pure player corse

Si n'hè andatu Santu Montera


Rédigé par Maria-Serena ALIOTTI le Dimanche 24 Juin 2018 à 12:02 | Modifié le Dimanche 24 Juin 2018 - 13:47


Un velu di dolu s'hè tesu annant'à l'isula sana eri. A nutizia s'hè sparta cusì prestu. U cantadore di Vitalba Santu Montera s'hè spentu eri dop'à un cumbattu contr'à malatia, à 48 anni.



Santu Montera, era una voce linda è famosa chì hà marcatu generazione è hà fattu scopre tanti i canti cum'è "Mi ne Vogu", "Stirling Bridge " è tanti altri. Simpaticu è agredevule, Santu era cunnisciutu in a Corsica sana. 


Ognunu sparghje cù tristezza tamanta a perdita d'un amicu, d'un omu di core è di passione. Messagi, umagi annat'à e rete suciale d'anonimi, persunalità, gruppi è cantadori si multiplicheghjenu. 


A redazzione di Corse Net Info prisente in quelli mumenti cusì dulurosi, e so più sincere cundulianza  à a so sposa, a so figliola, a so famiglia di cantu è tutti quelli tocchi di issa sciagura. 



A la une | L'actu régionale | Faits divers | Société | Justice | Economie