Saveriu Luciani
Si n’hè andatu à l’Eternu Lisandru Bassani…
A Corsica pienghje un figliolu.
Di Lisandru, paisanu zicavese, parechji diceranu ch’ellu era un culturale, sempre prontu à difende è à prumove a lingua è a cultura di u Populu Corsu. Hè più chè vera.
Militente di a Causa dipoi tant’anni, attore hè statu anch’ellu di u Riacquistu, è tutt’ognunu sà ch’ellu hà trasmessu sin’à i ghjorni d’oghje di più chè cusì, à vechji è zitelli, senza risparu.
Ci serebbe tantu à dì, postu ch’ellu era scrittore, cunsiglieru pedagogicu, animatore di a FALCE, sociu di u Cunsigliu Economicu, Suciale è Culturale, è ch’ellu participava à tant’opere è evenimenti à prò di a lingua è di sta terra.
Era di sta generazione di corsi insignanti, di ste leve custrette à spatriassi tant’anni fà, poi ch’anu fattu a scelta maestra, una volta vultati in casa soia, di participà di manera attiva, cù tamanta fede è tamantu fiatu, à e mosse di u Settanta.
Lisandru si n’hè andatu, è cù tutti i soi, stasera a lingua corsa ne porta u dolu.
O Lisà, à tè a Corsica Regina.
-
La relève corse de l’escalade brille au championnat PACA de bloc
-
Michel Castellani : « Il y a incompatibilité entre les politiques du Sénat et de l’Assemblée sur le budget de l’Etat »
-
A Ajaccio, la coordination Terra lance un cri d’alarme environnemental et démocratique
-
En pleine grève des bus, la CAPA a voté la prolongation du contrat d'obligation de service public de Muvitarra
-
Bastia - Pierre Savelli s’exprime sur la candidature de Gilles Simeoni aux municipales
Envoyer à un ami
Version imprimable
