L'anniversarii : 9 di Lugliu
(Cp) le Mercredi 9 Juillet 2014 à 02:45
07-1924
A fabrica di sigarette JOB, in Bastia, principiava à pruduce. Ma da induve vene a sigla JOB ? In u 1838, un farmacistu di Perpignan avia avutu l'idea di prisentà i fuglietti di carta per fà e sigarette sottu a forma d'un picculu librettu, cù una cupertina chjusa da un frisgettu. U farmacistu si chjamava Jean Bardou, è, indì u disegnu chì ornava a cupertina, avia messu e lettere iniziali di u so nome : J…B…, staccate da una losanga. Issa losanga hè stata pigliata per un O, è a ghjente hà lettu JOB
Envoyer à un ami
Version imprimable