Per voi, incù voi in ogni locu - l’info corse en libre accès

12-1981 U CRDP facia stampà un librettu accumpagnatu da vinti quattru traslucenti, cù u titulu : " Le châtaignier en Corse : aspects économiques et biologiques ".

12-1976 L'editore Flammarion cacciava 4 " albums du Père Castor ", tradutti in lingua corsa da Pasquale Marchetti : - L'amichi fidati - A sciocca è i zichini - Misgiucciu persu - I trè purchetti.

12-1976 Dorothy Carrington publicava u so libru : " Granit Island ", scrittu in Inglese. Trè anni dopu hè esciutu un'edizione scritta in francese cù u titulu : " La Corse ".

12-1962 I Corsi sò fieri d'amparà chì unu di i soii Raoul Leoni, di Muratu, hè statu elettu presidente di u Venezuela. U so aversariu era un altru corsu Arturo Pietri, uriginariu d'Ersa è di Stazzona.

12-1961 Escia una nova edizione di u rumanzu di Pierre Benoît : " Les Agriates ". A prima era di u 1950. Issu libru hè dedicatu à Luigi Alfieri, issu Capicursinu chì hà fattu, in l'Isula Rossa, l'osteria di lussu : u Napoléon Bonaparte. Quandu Pierre Benoît...

12-1947 Era slanciatu à Stouthampton, u battellu " Commandant Guéré " di a cumpagnia Fraissinet. L'avianu datu u nome di cumandante di u " Général Bonaparte " turpigliatu in u 1943.

12-1909 Escia u primu numeru di u : " Bulletin religieux du Diocèse d'Ajaccio ".

12-1930 Dipunianu à a prefettura una dumanda di cuncessione per fà un serviziu di " tramways " eletrichi trà Furiani è Erbalonga.

12-1907 Muria Louis-Napoléon Mattei, quellu chì avia creatu e cumercializatu in u mondu u : " Capu Corse au quinquina ".