Per voi, incù voi in ogni locu - l’info corse en libre accès

01-1853 Muria l'avucatu Petru Paulu Pompei, figliolu di Paulu Pompei, amicu è parente di Pasquale Paoli. Avucatu in Aiacciu, procuratore in Corti durante i Centu ghjorni, sottu prefettu di Calvi, prefettu di l'Yonne, di l'Eure-et-Loir, di u Tarn-et-Garonne....

01-1810 Napulione mandava in Corsica u senatore Casabianca per fà un'inchiesta nant'à u guvernu in dittatore di u generale Morand.

01-1797 I Grechi chì s'eranu rifugiati in Aiacciu pudianu rientre in Carghjese. U generale Casabianca i facia accumpagnà da a guardia naziunale.

01-1794 3 ufficiali superiori corsi eranu cundannati à morte da u tribunale rivuluziunariu è ghigliuttinati.

01-1772 U rè di Francia cuncedia l'Agriate à u principe francese Louis-François-Joseph.

01-1765 Carlu Maria è Letizia Bonaparte, giovani maritati, si n'andavanu à stà in Corti, per via di l'apertura di l'Università.

I primi di 01-1753 Cunsulta di i patriotti in Orezza. Facianu 23 anni chì i Corsi s'eranu rivultati contr'à Genuva. I Genuvesi eranu stati aiutati da l'armate di l'Imperatore d'Alemagna in u 1731, da quelle di u rè di Francia in u 1738, è una seconda volta in...

01-1738 Prete Silivestru Colombani, di Tavagna, era tombu à a difesa di Santa Lucia di Moriani, attaccatu da Matteu Santi di Tavagna è Filippu Grimaldi di u Poghju di Moriani chì servianu a Republica di Genuva.

01-1590 I Genuvesi mandavanu in Portivechju una culunia di 108 famiglie. Li davanu e terre trà a Sponsaglia è a Sulinzara. Issa culunia, cum'è d'altre mandate più tardi, smariscerà, sterpata da a malatia, a fame è i Barbareschi.