Per voi, incù voi in ogni locu - l’info corse en libre accès

02-1982 A pupulazione di Corsica secondu l'INSEE era di 240 178 abitanti, 131.574 in Corsica Suprana 108.604 in Corsica Suttana. Bastia avia 46.404 abitanti, Aiacciu 53.559 è Purtivechju 8095.

02-1959 Un associu di naturisti cumprava l'Isula Cavallu.

02-1941 Ghjilormu Carcopino, direttore di a Scola Nurmale Superiore, era fattu secretariu di Statu à l'Educazione Naziunale.

02-1931 Dui giurnalisti: Harry Grey è Christine Hubert, eranu mandati in Corsica da "Pathé Journal" per scuntrà u banditu Andria Spada. D'issu viaghju ne surtì un filmu chì ebbe gran successu per isse France: "Reportage cinématographique sensationnel",...

02-1927 Accade una falanga in Fornaccia, in u circondu di a bocca di Verde, tumbendu ondeci legnaghjoli taliani è fendu ferite à parechji altri.

02-1911 Primu scontru di pallò nant'à a piazza Santu Niculà di Bastia, trà bastiacci, chì vincenu è curtinesi.

02-1910 U battellu "General Chanzy", chì facia u serviziu di a posta è di i passageri trà Marseglia è Algeri, s'affundava, per via di a timpesta, à u nordu di e Baleare. Ci fù più di 200 vittime. Frà i morti: 49 marinari corsi.

02-1774 Nicudemu Pasqualini sbarcava in Corsica per preparà una rivolta contr'à i Francesi.

02-1836 Ghjiseppu Fieschi, chì avia pruvatu à tombà u rè di Francia, era cundannatu à morte.