Corse Net Infos - Pure player corse

I Santi : Santa Marcella, Santu Ghjuvanni Bosco


Rédigé par le Jeudi 31 Janvier 2013 à 00:26 | Modifié le Jeudi 31 Janvier 2013 - 00:27


Marcella era una signora rumana nata versu l'annu 345. Veduva dopu à sette mesi di matrimoniu, custruisce, nantu à l'Arentinu, un palazzu, una specia di munasteru, un circulu di donne. Era bella, ricca, struita, assai cultivata. Era à paru à l'omi i più distinti, i più sapienti. È nisunu si hè permessu di ridesine o di criticalla, malgradu d'esse stata a prima di e signore à mettesi in vista cum'è cristiana.


Quandu, in l'annu 382, San Ghjilormu vultò da Custantinopuli, duve ellu avia studiatu e Sante Scritture, stete in u palazzu di Marcella per spiegà u Vangellu à isse donne.
Trè anni dopu, i Barbari s'avvicinavanu da a cità. Ghjilormu si ne và in Palestina purtandusi l'amiche di Marcella: Santa Melania, Santa Paula, è d'altre. Marcella disse ch'ella era troppu vechja per parte. Avia una quarantina d'anni.
À l'età di ottantacinque anni, hà vistu entre in Roma l'armate di u rè di i Visigoti. Per sapè duve ella avia piattatu e so ricchezze, l'anu tantu pesta chì si n'hè morta.

Ghjuvanni Bosco, un Piemuntese natu in u 1815 in Castelnuovo d'Asti, hè mortu in Turinu in u 1888.
Quandu, à 26 anni, s'hè fattu prete, hà vistu un altru prete dà una frusta sulenne à un picculu sgaiuffu. U l'hà cacciatu da e mani, l'hà ammasgiulatu è l'hà preparatu pè a prima cumunione. Era tantu affettuosu, e so lezziò eranu tantu piacente, chì d'altri zitelli volsenu amparà a duttrina cun ellu. Ebbe una vintina d'elevi, è po un centu. Allora fù ublicatu di dispone d'un casamentu. A prima scola di Don Bosco venia di nasce.
Pianu pianu, stabilimenti simili ne fece in l'altre cità d'Italia, è po in Sicilia, à u Tirolu, in Francia, in Belgica, è ancu in l'America suttana. Per occupassine hà creatu duie cungregazioni: in u 1857, quella di i Salesiani, chì hà per Santu Patrone à Francescu di Sales è, in u 1872, quella di e sore di Maria Ausiliatrice.
Etimolugia : V. Ghjuvanni (27 dicembre).
Retrouvez l'émission I Santi sur Voce Nustrale  du lundi au samedi à 10h30.




Dans la même rubrique :
< >

Jeudi 24 Juillet 2014 - 00:02 I Santi : Santa Cristina

Mercredi 23 Juillet 2014 - 00:49 I Santi : Santa Brigida.

L'actualité | Politique | Football | Sports | Culture | PAROLES | I santi | L'anniversari | Diaspora | iPhone | Avis de décès




Derniers tweets
Corse Net Infos : Les rallyes d’Allemagne et de Corse menacés : Lequel restera au calendrier en 2019 ? https://t.co/rCWQC6KnuB https://t.co/v4rTOIPBqd
Mardi 18 Septembre - 19:59
Corse Net Infos : Aménagement de la traversée de Funtanone-di-Vignale : Les travaux débutent https://t.co/XJtGw9ELpB https://t.co/FZAfGNJG3r
Mardi 18 Septembre - 18:39
Corse Net Infos : Fin du conflit courrier à Folelli. Le conflit au Courrier à Folelli est terminé. Les négociations ont permis d’abou… https://t.co/yxmAm8ivso
Mardi 18 Septembre - 17:38
Corse Net Infos : Déplacements médicaux : Les propositions du Conseil Economique dévoilées https://t.co/rY96KPTcWh https://t.co/oGb0Btu0tT
Mardi 18 Septembre - 17:34



Newsletter






Galerie