Corse Net Infos - Pure player corse

I Santi : Prisentazione di Maria Vergine, Santu Demetriu


Rédigé par (Cp) le Jeudi 21 Novembre 2013 à 01:39 | Modifié le Jeudi 21 Novembre 2013 - 01:41


Si festighjeghja a Prisentazione di Maria Vergine à u Tempiu, vene à dì l'offerta chì Maria, sempre zitella, fece di a so persona à u Signore, cù a decisione di passà a so vita - sin'à u matrimoniu - à pregà indì u Tempiu di Ghjerusalemme.


A festa di a Prisentazione era celebrata dipoi u seculu XII in a Chjesa greca. L'annu 1372, u papa Gregoriu XI l'hà intrudutta indì a Chjesa latina. In u 1585, Sistu Quintu l'hà stesa à tutta a Cristianità.

A ghjunta di Maria Vergine à u tempiu hè stata riprisentata da parechji pittori, soprattuttu taliani: Giotto, Taddeo Gaddi, Ghirlandaio, Carpaccio, Cima de'Conegliano, u Tiziano, Benvenutu de'Giovanni, Pinturicchio è Signorelli.


U 21 nuvembre si festighjeghja dinù à san Dimitriu, o Demetriu. Hè un santu russiu natu in Ucrania, à Chieve, fattu frate à l'età di 17 anni è mortu vescu di Rostove u 24 nuvembre 1709. Dimitri hè l'autore d'un libru intitulatu "Fior di i Santi" impurtante pè a litteratura russia quant'è pè a religione.

Quand'ellu fù stampatu u primu di i quattru vulumi, l'imperatore Petru Magnu li mandò, in ricumpensa, duie pelliccie di volpe. U patriarca di Mosca ùn pobbe fà di menu chè di dalli a so benedizzione, ma u scrittu di Dimitri, chì parlava di l'Immaculata Cuncezzione è altre teurie rumane, li cunvenia pocu.

Petru Magnu averebbi vulsutu ch'ellu partissi à evangelizà a Siberia ma Demetriu dumandò a grazia d'ùn andà in issi paesi deserti è freddosi duv'ellu ùn ci era biblioteche. U poveru frate ùn era fattu pè girandulà. U so piacè era u studiu è a cuntemplazione. Vedendulu cusì disgraziatu, l'imperatore rinunciò à i so prugetti è u fece vescu di Rostove, una dioccesi duve i preti, stupidi è briaconi, ùn rispettavanu u secretu di a cunfessione è avianu moglie è figlioli ch'ùn sapianu ciò ch'ella era a cumunione.

Demetriu era chjuculettu, magrentinu, mezu zimbu, capellibiondu, cù una barba pinzuta. Troppu bravu, ùn era fattu pè amministrà una dioccesi. Cuntinuvò à scrive, è, in u 1705, publicò u quartu vulume di "Fior di i Santi". Quattru anni dopu, l'anu trovu mortu in dinochje nant'à u so lettu.

Etimolugia : da u gr. "Déméter" (nome di una divinità).

Nomi : Demetre, Demetrio, Demetriu, Demetrius, Dimitri, Dmitri.
Retrouvez l'émission I Santi sur Voce Nustrale  du lundi au samedi à 10h30.




Dans la même rubrique :
< >

Jeudi 24 Juillet 2014 - 00:02 I Santi : Santa Cristina

Mercredi 23 Juillet 2014 - 00:49 I Santi : Santa Brigida.

L'actualité | Politique | Football | Sports | Culture | PAROLES | I santi | L'anniversari | Diaspora | iPhone | Avis de décès




Derniers tweets
Corse Net Infos : Le FC Bastelicaccia rejoint sur le fil par le Gallia (2-2) https://t.co/HInCRX9LPe https://t.co/ocq1Ngkmgr
Samedi 22 Septembre - 23:49
Corse Net Infos : "Sò quì" : Corsica Libera soutient les lycéens du Fium'Orbu https://t.co/DPkKFcYUPZ https://t.co/TSxxGGQp1h
Samedi 22 Septembre - 22:54
Corse Net Infos : La Squadra Corsa privée de Coupe du Monde... https://t.co/JEgylUUIVo https://t.co/1Ae2kaIyGv
Samedi 22 Septembre - 22:44
Corse Net Infos : La Squadra Corsa privée de Coupe du Monde... https://t.co/lpBlNpSkZK #Corse #Football
Samedi 22 Septembre - 22:39



Newsletter






Galerie