Etienne Sansonetti : A legenda di u ghjocu à ballò corsu

Iss’ultimi tempi, ùn si vidia più à Etienne Sansonetti, discorre quallà nantu à a piazza vicinu à u Trottel chì li piacia tantu. Sin’à pocu, li piacia dinò à parlà di u so passatu cù i so anziani amichi di u Gazelec. U famosa attacante, monda cunnisciutu ind’è noi, hè sparitu, dopu à una longa malatia, issu ghjovi à l’età di 82 anni.


Cumpagnu di Jean-Jean Marcialis, sparitu in u 2013, Etienne hà marcatu a storia di l’ACA induve ellu ghjucò da u 1967 à u 1972 (cù un passaghju un annu in Monacu). Avia finitu primu goleadoru di D2 cù Bastia in u 1967 è un annu dopu cù l’ACA (26 punti è duie volte. Ghjè ellu dinò chì di ferraghju u 1967 marcò unu di i dui punti di a vittoria storica di fronte à a squadra di Francia (2-0). Eppo, fù dinò, di settembre u 1962, u primu ghjucadore di l’Omà marcà in cuppa d’Auropa (Villes de Foire) di fronte à i Belgi di Saint-Gilloise. Ma hè sopratuttu cunnisciutu per avè participatu, sempre cù l’ACA à l’accessione, a prima per una squadra corsa, in D1 (1967-1968).


Un ghjucadore famosu è un omu di prima trinca. L’hè mancatu pocu per unurà, à a fine di a so carriera, una selezzione in a squadra di Francia.
Lascerà, cù i so amichi spariti, dapoi qualchì tempu (J Batti Scaglia, Paul Pariggi, Paul Bertolucci o Jean-Jean Marcialis), un viotu tamantu. Ma u so ricordu serà sempre prisente, ch’ella sia in Timizzolu, Mezzavia o ancu Furiani…