Corse Net Infos - Pure player corse

Doni di l'università di Corsica per u cullegiu Pasquale Paoli di Lisula


Rédigé par Stella CIANI le Jeudi 25 Janvier 2018 à 15:13 | Modifié le Jeudi 25 Janvier 2018 - 21:22


Stu dopu meziornu, u principale di u cullegiu di Lisula Jean-Marc Andreani è a gestiunaria Chantal Massiani, anu recezziunatu materiale d'uffizii per pudè rimpiazzà quelli distrutti mentre l'incendiu chì hà brusgiatu u lucale di i prufessori è i CPE calchì ghjornu fà.


Di fatti, cum'è l'avia prumessu a cunsigliera esecutiva Marie-Antoinette Maupertuis mentre a so visita è l'amministrazione di l'Università di Corsica, stu materiale hè statu subbitu appruntatu è arricatu. 


" Ci anu datu dui scagni, dui futtogli, una stampatrice, trè ordinatori cumpletti. Materiale indispensevule per pudè funziunà nurmalamente chì ùn avemu più nulla. Ghjè Nanette Maupertuis chì hè à l'iniziu di sta dimarchja. Ghjustu dopu, avemu ricivutu una chjama di u prisidente di l'università M Romani è u direttore di u serviziu di u patrimoniu per dumandà ci a lista di i nostri bisogni principali. Una mez'ora dopu ci anu richjamatu per cunfirmà ci a rimessa per stu ghjornu. Sapete, anu ancu appigiunatu un camiò per traspurtà tuttu" hà spiecatu Chantal Massiani. 


Una sulidarità spuntanea chì prova torna una volta chì malgratu attitudine inchietante è scunnisciute sin' pocu, u stintu Corsu hè sempre vivu. 





Dans la même rubrique :
< >

Jeudi 15 Novembre 2018 - 18:50 Lumiu vitrine insulaire du Téléthon

Livres | Musique | Evènements | Lingua corsa | Cuisine