Corse Net Infos - Pure player corse

Cunferenza di stampa Cullettivu Patriotti è a Giuventù in lotta


Maria-Serena Volpei-Aliotti le Mercredi 27 Février 2019 à 21:00

U cullettivu patriotti è a giuventù in Lota anu urganizatu stu marcuri 27 di farraghju in Corti, una cunferenza di stampa per dinunzià parechji evenimenti.



 

Cità simbolica, locu simbolicu, ghjè davant'à u Palazzu Naziunale chì i soci di u Cullettivu Patriotti accumpagnati da i giovani studienti, sindicati o micca, anu urganizatu una cunferenza di stampa per palisà "a ripressione pulitica, ghjudizaria è finanziara di dettu à i patriotti corsi" è rivene cusì annant'à parechji evenimenti passati. 

" Oghje simu mubilizati à fianca i giovani corsi per sustene anzituttu i 3 patriotti accusati d'ùn micca rispettà u FIJAIT. Hà spiecatu Jean-Philippe Antolini. " Ùn simu micca terruristi. Ghjè un attu puliticu d'ùn ricusallu". U 5 di marzu, Félix Benedetti, Ghjuvan'Marcu Dominici è Stefanu Tomasini saranu torna una volta ghjudicati per ricusu di sottumissione à u FIJAIT. " Ùn pudemu accità di cuntinuà indè a via di a ripressione è saremu torna in carrughju u 5 di marzu per susteneli". 

 

Ghjè Olivier Sauli, di u cullettivu, ch'hà principiatu, ramintendu prima, l'affari di i giovani interpellati dop'à una manifestazione per a lingua Corsa. 

"A nostra sulidarità à issi giovani liceani in mossa per a nostra lingua, interpellati. ..." . Hà mintuatu dinò u prucessu di Paul-Felix Benedetti ( Prison ferme requise contre Paul-Félix Benedetti

[https://www.corsenetinfos.corsica/Prison-ferme-requise-contre-Paul-Felix-Benedetti_a38646.html ). "Più dura a ripressione, più forte sarà a nostra diterminazione". È di ripiglià i detti d'Edmond Simeoni in Aleria 1965.  

"Cù u culunialisimu, ùn si cumpone micca ! Quandu vi avidereti chè vò site ingannati da 200 anni sott'à a vostra storia, lingua è cultura, farete cum'è noi, vi rivultarete. U nostru messagiu hè chjaru! Cuntinuemu a nostra lotta". 


"Lotta giuventù, l'avvene sì tù"

À cant'à l'anziani prigiuneri, raprisententi sindicalisti studientini o micca, i giovani anu pigliatu a parola, principiendu cù Jean Colonna, presidente du à Giuventù Paolina. "U nostru scopu, hè du dinunzià a ripressione di u statu francese contr'à i patriotti Corsi. Sinifichemu tutti, in una sola voce sindicalista, un riffiutu intrevu di pettu à isse lege di pettu à i patriotti corsi. À nostra vulintà hè l'acchetamentu cù u dipositu di l'arme di u FLNC, mà si vede oghje chì ghjè in un solu sensu. Simu in u riffiutu di a demucrazia in parechji piani. A maiurità ùn hè micca stata à sente, è e nostre rivendicazione ùn so micca seguitate. Certi militanti anu diggià pagatu è sò sempre marturiati è assimilati à veri terruristi islmamisti. Per noi u naziunali corsu ùn hè micca terrurismu. Sò atti di resistenza di pettu à u statu francese". 

Félix Benedetti, hà cunfidatu à CNI, a scelta cumuna di i militanti. "Avemu sceltu di ricusà a sottumissione à u FIJAIT ( fichier judiciaire national automatisé des auteurs d'infractions terroristes) per u populu corsu, e generazione passate è quelle da vene è per tutti quelli chì ricusanu chì e libertà individuale sianu marturiate. Ùn pudemu accità d'esse paragunati à u terrorismu islmamistu" Sarà u 3rzu prucessu un 6 mesi per i 3 militanti. Si pò aiutalli finanziariamente mentre a sirata di sustegnu in Vix u 2 di marzu . "Ùn capieremu micca".