Sò parechji anni avà chì l’azzione numarose sò urganizate da favurisce una miglior cunniscenza di a nostra cultura cù a scuparta di u patrimoniu matiriale è imatiriale di a Corsica. “A Festa di a lingua corsa”, iniziata dipoi u 2012 da a Cullitività di Corsica, hè una manera di mettele in valore.
Par issa uttesima edizione, un partinariatu forte cù l’Educazione Naziunale parmittarà à i 150 sculari d’esse furmati à u ghjocu tradiziunale di « a morra ». Sei classe anu da andà in Filitosa da scopre ciò ch’ella era a vita à u neuliticu.
Inde e ciucciaghje, sò i più chjuchi ch’anu da pudè participà à a festa di a lingua corsa priparendu spittaculi. I zitelli di i centri, in partinariatu cù a Federazione di Caccia di u Pumonte, anu da amparà à cunnosce l’animali corsi (a pescia, l’altore, a muvra, u cignale...)
U teatru sarà à u prugramma à u Spaziu Diamante cù a truppa di « I Tarucconi di u Teatru Nustrali » chì ci prisintaranu a so ultima criazione : « Essa o ùn essa, what else ? ». Sempre à u Spaziu Diamante, ci sarà duie cunfarenze animate da Iviu Pasquali di l’associu «Guardia Corsa Papale » è da Rinatu Coti annant’à Paulu Matteu della Foata.
Assai altre attività sò prugrammate (pudete fidighjà u tavulone quì sottu) cù a participazione d’associ cum’è « Basta à parlà », « L’anfarti », «Scola di cantu », « Umani » è a cullaburazione cù parechji sirvizii municipali.
Envoyer à un ami
Version imprimable
