Accumpagnati da u so prufessore di corsu Francescu Luciani, Sébastien Graziani u CPE è Saveriu Luciani, cunsiglieru tarrituriale, e terze bislingue di u cullegiu di Calvi anu compiu d’una bella manera u so percorsu bislingu à u cullegiu cù una surtita campagnola è muntagnola mentre dui ghiorni.
Prima, si sò tutti trovi in l’Ostriconi ind’è i pastori Sabrina è Sebastien Mercuri chì l'anu accolti à bracce stese in u so stazzu.
Vitelli, cavalli, pecure, fabricazione di fenu, munghjere è muntagnere, i zitelli anu visitatu a spluttazione per capisce cumu si passe una ghjurnata agricula.
Poi, in u dopumeziornu, a scola hè attippata per e sarre di u Renosu sin’à u lavu di Bastani. Dop'à una nuttata in u guaglile di Ghisoni, ghjè Christian Higoa chì hà accumpagnatu i sculari cun sapienza è pedagugia di a muntagna.
Nanzu di compie quell'annata, Francescu Luciani hà vulsutu fà passà un ultimu messagiu à i sò zitelli d'un annu: " O quelli, ghjè statu un piacè tamantu d'amparavvi è di trasmettevi u nostru sapè. Oghje ci accorgimu chì tanti impegni anu purtatu i sò frutti. Ben’chì a staccanza sia dura per noi altri prufessori, simu più chè fieri di voi. À prestu è bona cuntinuazione à tutti à u liceu ! È sopr'à tuttu ùn vi scurdate o zitè !! “Parlate Corsu !”
Prima, si sò tutti trovi in l’Ostriconi ind’è i pastori Sabrina è Sebastien Mercuri chì l'anu accolti à bracce stese in u so stazzu.
Vitelli, cavalli, pecure, fabricazione di fenu, munghjere è muntagnere, i zitelli anu visitatu a spluttazione per capisce cumu si passe una ghjurnata agricula.
Poi, in u dopumeziornu, a scola hè attippata per e sarre di u Renosu sin’à u lavu di Bastani. Dop'à una nuttata in u guaglile di Ghisoni, ghjè Christian Higoa chì hà accumpagnatu i sculari cun sapienza è pedagugia di a muntagna.
Nanzu di compie quell'annata, Francescu Luciani hà vulsutu fà passà un ultimu messagiu à i sò zitelli d'un annu: " O quelli, ghjè statu un piacè tamantu d'amparavvi è di trasmettevi u nostru sapè. Oghje ci accorgimu chì tanti impegni anu purtatu i sò frutti. Ben’chì a staccanza sia dura per noi altri prufessori, simu più chè fieri di voi. À prestu è bona cuntinuazione à tutti à u liceu ! È sopr'à tuttu ùn vi scurdate o zitè !! “Parlate Corsu !”
Envoyer à un ami
Version imprimable
